BOLD Coffee (Closed)

深水埗近年多咗好多cafe，各有特色。位於布行林立嘅基隆街就有呢間Bold Coffee。以布藝為主題，店內用上彩色布條裝飾，顔色鮮艷啱晒打卡主食以意粉同麵包為主，第一次嚟就試下招牌菜-夢王卡邦尼意粉。用上日本刺身級雞蛋夢王嘅carbonara，係正宗意大利式無落忌廉，每條扁意粉都沾滿芝士蛋汁，芝士味濃郁但唔會太膩配埋厚切煙豬腩肉條鹹香，估唔到cafe嘅carbonara都咁好味甜品揀咗士多啤梨乳酪牛角包窩夫配雪糕，croffle即點即製，口感酥脆牛油香味突出配埋靚靚少女粉紅色士多啤梨乳酪，味道酸酸甜甜夠清新份量多夠兩個人share食。除咗餐牌上嘅甜品，亦有是日甜品。伯爵茶scone表面微脆，中間乾身食落唔黏口。伯爵茶味突出，配埋檸茶jam好好味Flat white咖啡偏nutty，口感風味明顯有朱古力同杏仁。除咗咖啡之外，亦有多款特色飲品，就算唔飲咖啡都有好多選擇。Matcha strawberry tonic睇顔色都知抹茶味夠濃，夾埋tonic同士多啤梨唔覺苦澀，同士多啤梨味好夾總括嚟講食物好有質素，意粉同甜品都好好味。店內氣氛悠閒，座位闊落坐得舒服。