地茂館甜品

Open Now

Now Closed

食完個靚晚飯當然要食碗靚糖水，今次我哋就嚟到位於九龍城嘅地茂館。第一款係「桂花薑湯芝麻湯圓」😊。薑汁糖水略顯唔夠辛辣味，但加咗桂花之後令到糖水花香撲鼻(加分)☺，自家製手工芝麻湯圓粒粒圓潤煙韌，芝麻香氣滿溢，味道香甜又唔膩，推薦可以買一盒生湯圓返屋企自己煲糖水食😝。第二款就係女仔必食嘅「桑寄生蓮子蛋茶」😋。桑客生茶湯色澤濃郁，飲落有清清嘅甘甜茶香味👍。 啡色嘅茶葉蛋表面色深，但都唔算太入味，但就係桑寄生茶嘅最佳拍檔💃🕺。不過最有驚喜嘅係佢哋嘅蓮子真係唔會慳，食完隻蛋後發現滿滿嘅蓮子，好似食極都有咁，非常滿足😝👍。