燒烤堂

Open Now

Now Closed

燒烤堂中環呢間分店係商業大廈入面，裝修到成間居酒屋咁，仲有吧台添，好有feel呀👏🏻食物點評✍🏻✍🏻✍🏻孜然燒蒜蓉茄子世畀級既燒茄子，唔係單純既蒜蓉燒茄子，除佐蒜蓉仲有啲炸菜粒同蝦米仔，好有口感，茄子又夠晒軟腍，熱辣辣，係口入面化開既口感呀😍蒜蓉燒蟶子呢度既海鮮有唔同選擇，蟶子一隻好大隻，鋪滿蒜蓉同粉絲，蟶子好鮮味，爽彈既口感😚椒鹽燒鴨舌中意食鴨舌既朋友一定要試呀，鴨舌好爽脆，燒到好惹味，而且亦唔會好細條，彈牙好味😜秘制燒羊架羊架真係必點，又大件又入味，啲羊肉一啲都唔會老，咬落好軟嫩，外邊就夠晒焦脆，少少辣，食落更加惹味，羊香得黎唔會騷，超正🤭豚肉類豚肉呢度有好多唔同款式，鹽燒豬肋肉就燒得好出色，豬肉有口感得黎又嫩口，燒到好似牛肉咁，肉味香濃；福函味噌松板豬又係好好口感，有啲似豬頸肉既口感，口感柔嫩煙韌；其他豚肉卷包住唔同材料，好似牛油果、荔枝、豆苗呢啲都好好食呀，食唔停口🤤另外雞肉，牛肉，蔬菜，主食，甜品都有唔同款式，選擇好多！重點生啤買一送一，好抵🍻