Video
Read full review
2022-01-16
515 views
講起手工意粉，應該唔少人都會識得Pici。好耐之前已經聽過啲frd讚依間餐廳lunch set好抵食，專登趁放假嚟左西環依邊嘅分店試下。Lunch set餐牌會定期轉款式，$158會包左個前菜、意粉同埋甜品，部份選項會再要另外加錢。之前晚市嚟食一個意粉都已經過百，所以覺得中午依個set特別抵食。入座無耐已經會有袋麵包擺低比我地，雖然麵包唔熱，但搭配埋佢啲黑醋同橄欖油又幾好食，一路食一路諗如果可以再比多啲包我地就好。今次前菜試左以下三款：※ Andrea's Cold Cuts依款係Parma Ham，分量比我想像中多，再搭配埋芝士無得輸，不過食食下會覺得有少少鹹，好彩今次係同人Share食。※Tuna Tartare覺得依個吞拿魚他他賣相幾精緻，食落其實有啲似食緊日本魚生。味道唔腥，仲有牛油果同洋蔥做搭配。※Rocket and Pear Salad諗住叫碗沙律好似健康啲，但火箭菜始終唔係太啱我，食落有啲苦澀。不過估唔到佢前菜分量都頗多，如果三款裡面揀嘅話個人最中意吞拿魚他他。主菜方面試左兩款：※Strozzapreti Four Cheese依個手卷螺旋粉我都係第一次食，平時好似無咩
Lunch set餐牌會定期轉款式，$158會包左個前菜、意粉同埋甜品，部份選項會再要另外加錢。之前晚市嚟食一個意粉都已經過百，所以覺得中午依個set特別抵食。
入座無耐已經會有袋麵包擺低比我地，雖然麵包唔熱，但搭配埋佢啲黑醋同橄欖油又幾好食，一路食一路諗如果可以再比多啲包我地就好。
今次前菜試左以下三款：
※ Andrea's Cold Cuts
依款係Parma Ham，分量比我想像中多，再搭配埋芝士無得輸，不過食食下會覺得有少少鹹，好彩今次係同人Share食。
※Tuna Tartare
覺得依個吞拿魚他他賣相幾精緻，食落其實有啲似食緊日本魚生。味道唔腥，仲有牛油果同洋蔥做搭配。
※Rocket and Pear Salad
諗住叫碗沙律好似健康啲，但火箭菜始終唔係太啱我，食落有啲苦澀。
不過估唔到佢前菜分量都頗多，如果三款裡面揀嘅話個人最中意吞拿魚他他。
主菜方面試左兩款：
※Strozzapreti Four Cheese
依個手卷螺旋粉我都係第一次食，平時好似無咩餐廳有依款意粉食，諗住試下。一嚟見到成兜滿滿嘅芝士已經覺得極度邪惡，食落不得了，芝士味道非常濃郁，而且佢意粉嘅口感非常正，好煙韌，嚼勁十足。好中意食依種texture嘅意粉，如果係芝士愛好者，一定要試下依個意粉。
※Pappardelle Pork Ragu
依個食落覺得就係番茄醬寬條麵，雖然餐牌上面寫辣豬肉醬，但其實完全唔辣。意粉上面灑左芝士倍添滋味。而且寬麵好掛汁，每條都食到濃郁嘅番茄醬，夠哂開胃，意粉味道唔錯不過口感方面如果可以再彈牙少少會更好。
最後甜品方面叫左Tiramisu，成日聽啲人讚依個甜品出色，今次終於有機會試。
一食入口已經感覺到非常creamy，覺得佢係偏向custard，好香滑。中間嗰層蛋糕濕潤而咖啡味都濃，成個Tiramisu層次感十足。食落雖然有啲甜，但無阻佢好好味嘅事實。食完完全體會到點解身邊啲朋友都極力推薦依個Tiramisu，真係非常出色，難怪會係Pici嘅必食之一。用依個甜品作結尾簡直係非常滿足，好幸福～
整體嚟講，覺得依個lunch set真係超抵食(不過只限平日供應)，cp值高！
好中意佢嘅手工意粉充滿口感同埋Tiramisu細緻幼滑勁好食。同埋覺得依度啲staff服務都幾好，會主動同我地介紹下餐牌，又問下我地啲野食好唔好味。不過因為啲staff都係外籍人士，所以嚟依度都要做好心理準備講英文。
Post
