極尚大喜屋

Open Now

Now Closed

極尚大喜屋午市放題$268中午12點食到下晝3點。食放題指定動作梗係叫返盤刺身食先啦。極品大赤蝦、甜蝦、北海道鮮帶子、榮螺、赤貝、油甘魚。刺身新鮮厚身。北海道鮮帶子、油甘魚鮮甜厚切。極品大赤蝦勁大隻。海膽軍艦即叫即製紫菜仲脆口。海膽鮮味。皇牌燒乳鴿王燒到啲皮脆卜卜乳鴿肉嫰。鮮蟹粥勁足料成隻蟹，蟹肉鮮甜粥底綿綿美味。鐵板蜜椒薯仔牛柳粒牛柳粒好惹味肉質稔稔。鐵板法式鵝肝多士鵝肝入口即溶化多士香脆可口。鐵板牛油黑松露帶子原隻帶子黑松露味香濃。薑蔥爆鱔球爆鱔食落啖啖肉好夠鑊氣。榴槤三重奏有三種不同感覺既滋味。極尚椰皇燕窩燉蛋白椰香蛋白滑溜啖啖燕窩哈根大師雪糕有多款選擇。