Video
Read full review
2024-11-07
1655 views
一打開門入到去就見到好日式風嘅裝修，仲有無臉男坐係度歡迎你😆餐廳有HKD388半放題set,仲有另一個HKD498 嘅set ,前者自選5個日式小食/炸物，後者就係自選5款浜燒海鮮，由於今次主要係想食壽喜燒，所以就揀咗HkD388 果個。一坐低，店員已經主動介紹menu,態度好好，唯一要彈係個位有d 窄，放題嚟講坐得有d 唔舒服。講下HKD388 有咩食先，先嚟嘅係沙律同刺身塔，沙律夠汁，蔬菜亦新鮮。刺身切成條狀，有帶子，三文魚等，最底係吞拿魚溶，味道都唔錯，食得出唔係一般放題嘅cheap cheap 刺身，刺身上枱時温度亦適中，無話溶曬雪/無解凍嘅情況。----之後就到自選嘅5款小食/炸物，我地揀咗甲羅燒，燒蠔，海膽大葉天婦羅，和牛粒。最後一款我揀左芝士年糕，男朋友揀咗炸蠔甲羅燒偏甜，味道ok,多士略嫌唔夠脆唔夠熱。燒蠔明顯係燒過，唔係求其整熟整熱就扮燒咗，生熟度岩岩好，蠔亦鮮味，正❤️海膽大葉大婦羅炸得幾好，上枱係熱嘅，麵皮亦好薄，但海膽唔係特別甜，食完對海膽無乜印象，反而對個麵皮有正評😂和牛粒都係必揀，有好香嘅炭燒味，牛肉粒質素幾好，食到牛味加小小和牛香芝士年糕同炸蠔就一般日式放題
一打開門入到去就見到好日式風嘅裝修，仲有無臉男坐係度歡迎你😆
餐廳有HKD388半放題set,仲有另一個HKD498 嘅set ,前者自選5個日式小食/炸物，後者就係自選5款浜燒海鮮，由於今次主要係想食壽喜燒，所以就揀咗HkD388 果個。
一坐低，店員已經主動介紹menu,態度好好，唯一要彈係個位有d 窄，放題嚟講坐得有d 唔舒服。
講下HKD388 有咩食先，先嚟嘅係沙律同刺身塔，沙律夠汁，蔬菜亦新鮮。刺身切成條狀，有帶子，三文魚等，最底係吞拿魚溶，味道都唔錯，食得出唔係一般放題嘅cheap cheap 刺身，刺身上枱時温度亦適中，無話溶曬雪/無解凍嘅情況。
----
之後就到自選嘅5款小食/炸物，我地
揀咗甲羅燒，燒蠔，海膽大葉天婦羅，和牛粒。最後一款我揀左芝士年糕，男朋友揀咗炸蠔
甲羅燒偏甜，味道ok,多士略嫌唔夠脆唔夠熱。
燒蠔明顯係燒過，唔係求其整熟整熱就扮燒咗，生熟度岩岩好，蠔亦鮮味，正❤️
海膽大葉大婦羅炸得幾好，上枱係熱嘅，麵皮亦好薄，但海膽唔係特別甜，食完對海膽無乜印象，反而對個麵皮有正評😂
和牛粒都係必揀，有好香嘅炭燒味，牛肉粒質素幾好，食到牛味加小小和牛香
芝士年糕同炸蠔就一般日式放題質素，唔差但無特別。
感覺上揀天婦羅/串燒會比較出色。
-----
壽司部份，選擇唔算多，但就任食，每次每人可以叫五件，放題嚟講，壽司係高質，絕對唔係純為塞飽你，醋飯做得好好，自己最中意火灸左口魚邊，火槍燒過帶出到魚油嘅香，而飯+魚油超級好食🫢🫢
----
主食係壽喜燒。A4和牛，北海道米豚，蠔，野菜，紫菜蛋烏冬/飯都係任食。
呢個價錢食到呢個質素嘅和牛真係超值，佢每塊唔算大/厚，但絕對滿足。重點係再叫第二碟第三碟都保持質素，無話愈出愈差。
米豚味道都甜，但俾我揀，我就會主攻牛😆
蠔亦係新鮮貨，前後叫咗兩轉。
烏冬係正常水準，基本上蛋汁+紫菜都唔會差，不過食到呢度已經好飽🤪
最後甜品都有誠意，係好食嘅豆腐雪糕🥰 食完鹹野整個清淡嘅雪糕，完美作結。
---
特別想讚佢地嘅服務，收碟收得好快，叫完野食亦好快上枱，無拖時間，快手得嚟又有禮貌，到差唔多夠鐘亦無催埋單，無話last order,原本仲擔心90分鐘唔夠食，結果係我地飽到投降
Post
