Video
Read full review
2022-05-12
883 views
好耐冇去旅行，以前旅行時住酒店，一早起身可以落樓下食酒店自助早餐，好開心，今次去酒店食個自助早餐過下引。價錢只係$98＋10%，同出面食個All Day Breakfast差唔多，但係質素、款式、份量都好好多。先黎紅茶，香味芬芳撲鼻，應該係煲既。枱面有全脂奶可以加，加左都冇蓋過茶味。咖啡就早餐淡咖啡，唔係意式，但係都幾好味。奄列即叫即整，個餡有8款材料，味道豐富，入面又有蛋汁。自己加左啲配菜，都好高質。芝士長通粉係女友至愛，芝士落重料，味道濃郁，要encore。烤小薯仔有黑椒香，翠玉瓜香甜多汁，甘荀煮得軟稔，有雞湯同香草味，另外仲有牛油粟米、炒雜菇、蒜香西蘭花，全部都有番食材本身既好味道，唔會太重口味。跟住試面包區，揀左全榖物包、牛角包、提子muffin、奶黃提子酥、雞蛋仔。榖物包最特別，又硬又煙韌，係味道豐富既麥包，Muffin都好受女友歡迎，奶黃提子酥似肉桂卷，痴立立同濕潤，都唔錯，雞蛋仔同牛角包就冇咁新鮮，一般啦。中式區既豆漿完全唔甜，又好香豆味，推介。蝦米腸同炒面都唔錯。返轉頭食全日早餐啲野，煎蛋唔係即整，雞肉腸既款式比較少見，仲試左薯餅同煙肉，不過不失。沙律菜選擇比較少，得芽
先黎紅茶，香味芬芳撲鼻，應該係煲既。枱面有全脂奶可以加，加左都冇蓋過茶味。咖啡就早餐淡咖啡，唔係意式，但係都幾好味。
奄列即叫即整，個餡有8款材料，味道豐富，入面又有蛋汁。
自己加左啲配菜，都好高質。芝士長通粉係女友至愛，芝士落重料，味道濃郁，要encore。烤小薯仔有黑椒香，翠玉瓜香甜多汁，甘荀煮得軟稔，有雞湯同香草味，另外仲有牛油粟米、炒雜菇、蒜香西蘭花，全部都有番食材本身既好味道，唔會太重口味。
跟住試面包區，揀左全榖物包、牛角包、提子muffin、奶黃提子酥、雞蛋仔。榖物包最特別，又硬又煙韌，係味道豐富既麥包，Muffin都好受女友歡迎，奶黃提子酥似肉桂卷，痴立立同濕潤，都唔錯，雞蛋仔同牛角包就冇咁新鮮，一般啦。
中式區既豆漿完全唔甜，又好香豆味，推介。蝦米腸同炒面都唔錯。
返轉頭食全日早餐啲野，煎蛋唔係即整，雞肉腸既款式比較少見，仲試左薯餅同煙肉，不過不失。沙律菜選擇比較少，得芽菜苖、火箭菜、紫色生菜，味道都Ok既。
最後食埋乳酪，最愛原味greek yogurt，士多啤梨嗰款就一般啦。因為時間唔夠，試唔到冷盤、粥檔同埋其他中式食物，仲有水果同果汁。我地食9:15-10:30，時間過後仲可以食多15分鐘左右，都唔錯。呢個早餐有下次。good
Post
