板神鉄板燒日本料理 (The Hennessy) (Closed)

最近見到推出咗好抵食嘅午市鐵板燒套餐，有南非鮑魚、大蝦、美國牛肉、法國鵝肝等，成個餐最平都唔駛400 蚊🤩大感謝祭。鐵板燒套餐前菜、沙律，及刺身三款一口氣先嚟，汁煮蓮藕、間白魚、火炙膠魚及三文魚刺身、沙律菜然後完全被一大盤海鮮🦐🐟🥩及肉類吸引住😍南非鮑魚、大蝦、白鱈魚/法國鵝肝、美國牛肉/日本豚肉鮑魚好大隻，仲係活生生的，而每隻大蝦都有手掌咁長。 鮑魚大蝦經燒過後，肉質爽彈鮮甜，大蝦配上蝦頭膏醬汁，增添鮮味。  白鱈魚煎至金黃色，外層脆脆地，魚肉嫩滑；鵝肝肥美煎出油份，配上麵包一齊食，可以減低油膩感美國牛肉薄燒五成熟，再包住香蔥及香脆蒜片一齊食，每一啖都好juicy ， 又有口感而豚肉就配上生薑汁嚟炒，外面用勁脆嘅米餅包住，咬落米餅脆到碎開，醬汁流出嚟🤤季節野菜、炒飯、麵豉湯時令蔬果有粟米芯、盧荀、紅椒、香菇，顏色鮮艷，入口清爽炒飯亦好有驚喜，炒得乾身，粒粒分明，食料滿滿，不知不覺成碗食哂🫣甜品又有驚喜🎉除咗有Tiramisu 蛋糕外，仲有師傅即整嘅鐵板焦糖多士，🤤🤤🤤🤤 夠哂香脆，每一啖都甜絲絲🥰