Video
Read full review
2018-08-31
27 views
身為拉麵控嘅我，其實一直想試呢間好耐。今日去開黃埔行街，啱曬了！鋪頭喺9號水產入面，唔難搵，裝修佈置都好日式，座位都尚算闊落。打開Menu，全部都好吸引，咁啱我我哋去嗰日係星期六，就叫佢嗰個五六日限定啦，就係「海老湯拉麵」。我朋友就叫咗季節限定嘅黑松露醬油豚骨拉麵。麵條分別可以揀直麵或者曲麵，好！就等我試吓曲麵先。我哋兩碗面同時都加$13揀咗「特上」，即係有埋豬肩肉，豬腩肉，紫菜同糖心蛋，$13有咁多嘢梗係加喇～!特上海老湯拉麵❤️一睇湯底已經知道極濃！上面仲有好多櫻花蝦，食落口勁有蝦嘅香味，配埋糖心蛋，正啊！黑松露醬油豚骨拉麵❤️碗麵未到嗰陣，已經傳來好大陣黑松露香味。湯底本身未撈黑松露醬之前已經有黑松露味，我都忍唔住問個friend借黎試咗兩啖，好味！😋小食我哋仲叫咗炸物盛盒❤️咖喱蜜糖炸雞中翼❤️熱辣辣，冇得彈！最後梗係唔少得特色野飲，桃味梳打同抺茶可樂，完全係大滿足呀！
鋪頭喺9號水產入面，唔難搵，裝修佈置都好日式，座位都尚算闊落。
打開Menu，全部都好吸引，咁啱我我哋去嗰日係星期六，就叫佢嗰個五六日限定啦，就係「海老湯拉麵」。
我朋友就叫咗季節限定嘅黑松露醬油豚骨拉麵。麵條分別可以揀直麵或者曲麵，好！就等我試吓曲麵先。我哋兩碗面同時都加$13揀咗「特上」，即係有埋豬肩肉，豬腩肉，紫菜同糖心蛋，$13有咁多嘢梗係加喇～!
特上海老湯拉麵❤️
一睇湯底已經知道極濃！上面仲有好多櫻花蝦，食落口勁有蝦嘅香味，配埋糖心蛋，正啊！
黑松露醬油豚骨拉麵❤️
碗麵未到嗰陣，已經傳來好大陣黑松露香味。湯底本身未撈黑松露醬之前已經有黑松露味，我都忍唔住問個friend借黎試咗兩啖，好味！😋
小食我哋仲叫咗炸物盛盒❤️
咖喱蜜糖炸雞中翼❤️熱辣辣，冇得彈！
最後梗係唔少得特色野飲，桃味梳打同抺茶可樂，完全係大滿足呀！
Post
