Video
Read full review
2018-09-23
125 views
把握上堂前既一小時，同朋友食碗靚拉麵獎勵下自己先！呢個位於銅鑼灣登龍街既拉麵店，可能只係呢條街千百萬間拉麵店既其中一間（呢條街可以話係拉麵集中地），但佢絕對有佢既特色。首先睇下個menu，同一般拉麵店一樣，主要係賣幾款湯底，配搭唔同既配料。而佢每一季都會有一款期間限定湯底，今期就係雞啦！店員話係成隻雞放落去煲，煲到骨都融埋嫁！既然佢極力推薦，即使唔太肚餓都一於試下啦！而點解會話佢同其他拉麵店唔同呢？就係個麵底啦！佢同平時食開既拉麵無論係外型質感都有d唔同，店員有講過但我已經唔記得係咩麵了🤣好！總之最後我地根據店員介紹叫左照燒雞拉麵（$92）同最基本既醬油味玉叉燒拉麵（$149），再加多個小食：（$28）。先講下個照燒雞拉麵，飲個湯底，好熟悉既味道！係平時食雞翼既香味！好香好濃！😍果然冇介紹錯！燒雞好滑，有好重既味醂味（即係平時溏心蛋既調味之一），而且麵既口感岩岩好，唔會太軟/太硬，加上佢係bar枱setting，見住師傅切雞煮麵，好得意。食食下發現，我唔記得叫有蛋個個😭唯有偷人地半隻黎食（好彩佢係成隻），一食，不得了！好正！時間控制岩岩好，亦有好豐富既調味，但又唔會搶左蛋既香味，個人推
呢個位於銅鑼灣登龍街既拉麵店，可能只係呢條街千百萬間拉麵店既其中一間（呢條街可以話係拉麵集中地），但佢絕對有佢既特色。首先睇下個menu，同一般拉麵店一樣，主要係賣幾款湯底，配搭唔同既配料。
而佢每一季都會有一款期間限定湯底，今期就係雞啦！店員話係成隻雞放落去煲，煲到骨都融埋嫁！既然佢極力推薦，即使唔太肚餓都一於試下啦！而點解會話佢同其他拉麵店唔同呢？就係個麵底啦！佢同平時食開既拉麵無論係外型質感都有d唔同，店員有講過但我已經唔記得係咩麵了🤣
好！總之最後我地根據店員介紹叫左照燒雞拉麵（$92）同最基本既醬油味玉叉燒拉麵（$149），再加多個小食：（$28）。
照燒雞拉麵
$92
23 views
0 likes
0 comments
先講下個照燒雞拉麵，飲個湯底，好熟悉既味道！係平時食雞翼既香味！好香好濃！😍果然冇介紹錯！燒雞好滑，有好重既味醂味（即係平時溏心蛋既調味之一），而且麵既口感岩岩好，唔會太軟/太硬，
加上佢係bar枱setting，見住師傅切雞煮麵，好得意。
食食下發現，我唔記得叫有蛋個個😭唯有偷人地半隻黎食（好彩佢係成隻），一食，不得了！好正！時間控制岩岩好，亦有好豐富既調味，但又唔會搶左蛋既香味，個人推薦一定要食蛋！,而燒雞拉麵都係一定要試既！
醬油味玉叉燒拉麵
$149
17 views
0 likes
0 comments
跟住就係醫油味玉叉燒拉麵，重點係佢有黑松露醬！未食已經聞到黑松露既香味。就咁飲個湯既話就係好重既醬油味，配合埋黑松露同麵食會比較好。
炙燒骰子肉
$28
10 views
0 likes
0 comments
個炙燒骰子肉係有驚喜既！咬落好軟淋，加埋燒過既香味，好似食緊高級燒肉咁。加埋淡淡既醬汁，好夾！下次有機會都想試埋佢個餃子，因為見到隔離幾枱都有食，好吸引XD
Post
