神石燒 (八號花園) (Closed)

放題係隔一段時間就要食既野，呢間主打燒肉既餐廳都有放題，仲要抵食，今日happy Friday就特登放工黎食，75分鐘$209，可叫成10款肉咁多！美國安格斯牛格肌漢堡扒✅✅✅呢個當然係肉質最好既牛肉，牛肉既大理石紋清晰可見，油花均勻分佈係牛肉之上，甜香既牛肉鮮味比其它牛肉更加香濃，肉汁又多，juicy軟嫩呀！美國天然無激素雞扒✅✅雞扒係無激素雞扒，夠晒天然，口感更加爽彈，雞皮燒到脆脆咁食，外脆內軟，唔駛加調味已經好香！壽喜燒汁豚五花✅✅豚五花真係腩位黎，五花肉咁款，層次分明，燒完肉質柔嫩無比，配壽喜燒汁又真係幾香喎！壽喜燒汁牛舌✅✅✅牛舌本身肉質已經好好，幾嫩好柔韌，加上用壽喜燒既汁去燒，甜甜地，燒汁醃到牛舌好香甜，更加帶出牛舌既鮮味！其他唔同既肉，好似牛肩胛扒呢啲都係好好食架，全部質素都好好！