平成二十二日本料理 (Closed)

同朋友慶祝生日，朋友話要食放題，諗諗下自己都好耐冇食過放題，就上openrice呢度搵下邊間放題好。搵過一啲連鎖既，但又想試下其他，於是揀左呢間！因為朋友唔食魚生（但佢又想食放題，我都覺得怪），於是揀呢間好似多啲熟食，岩佢食。位置唔難搵，入到黎仲有空位，我地約左食夜晚8:30，佢比左近門口個位比我地。開頭有少少卻步，但朋友話ok，咁佢生日佢話事；之後意外發現，可能呢邊冇乜人，反而好靜可以傾下計，感覺悠閒。先上黎一盤魚生：因為得2個人而朋友又唔食魚生，我每樣叫得好少，一件起兩件止，但點知佢都自動加左少少碼做2人份量，但咪又係我食哂XD 意外既係黎左板海膽，明明我冇叫，但侍應好好人，仲教埋我地點食（佢有比埋啲紫菜我地食）。每樣野上黎侍應都會介紹返，等我地知自己食緊乜lol黎齊啦影張相，繼續食。每樣都唔係大份量，非常岩我地少少地試下，驚喜既人沖繩苦瓜炒蛋，未試過苦瓜竟然唔苦！仲有少少甘香既甜，平時唔食苦瓜既我 - 意外勁中意。燒雞翼串都好正，整體超好評，魚生夠哂份量，新鮮又大粒，非常抵食。侍應又好人，好好服務，超好禮貌。下次都會再黎食過w