大井町日式放題 (Closed)

久違嘅放題，今次嚟到荃灣嘅大井町放題，黎呢度之前，先到網上爬文，大部份都係好評，望落都真係幾吸引，所以在沿路上都一直好期待值得讚一讚嘅係食物款式都非常之多，而且都好有特色除咗點餐紙上面嘅嘢食之外，餐廳裏面都有一部份係自助形式嘅，例如前菜，都有好多款式，有麻醬豆腐、凍蝦、螺肉、青口同埋沙律等等。根本都非常新鮮，特別係螺肉同凍蝦，肉質彈牙爽口。上菜嘅速度好快，落完單冇耐，刺身已經好快送到，我哋叫咗甜蝦、帶子、拖羅、三文魚同北寄貝，所有刺身都好新鮮，特別係三文魚，厚切得黎，非常肥美。拖羅亦都好肥美，食落充滿油脂嘅香，甜蝦同埋帶子都啖啖肉壽司方面，我哋都叫咗啲火炙壽司，個人非常欣賞蟹棒壽司，蟹棒味道鮮甜，配埋上面嘅醬汁，簡直一流，和牛都燒到啱啱好，唔會太熟，好香牛味。炸物方面，芝麻雞翼炸得好香脆，而且肉質好滑，芝士年糕外脆內軟，而且芝士係流心心嘅， 食落唔會好油膩，不錯焗蠔同帆立貝，非常新鮮，而且醬汁調配得好好燒海蝦，大大隻脹卜卜， 味道鮮甜，肉質彈牙天婦羅方面，蝦同埋冬菇都整得唔錯，炸粉唔會好厚，而且食落唔會好油甜品方面，餐廳裏面有一整個大大的甜品櫃，任君選擇有撻類、奶凍、布甸同埋蛋糕，個人