Video
Read full review
2020-10-28
65 views
歷久不衰嘅放題-考完試食乜好？放題。拍拖又食乜好？放題。約朋友食乜好？放題。好啦，放題真係好百搭，咩時候都係食放題，滿屋已經開左好多年，至今仍然未執笠係有佢原因嘅，所以今日約左朋友一齊食放題。-我覺得滿屋嘅食物選擇好多，有刺身、壽司、烤物、天婦羅、甜品等等，每款再有好多款揀。-我覺得佢嘅刺身同壽司係比較正，有貴價刺身，回本在望呀！佢嘅刺身包括油甘魚、北海道帶子、蝦等，我覺得overall都幾高質，例如帶子好大粒同鮮甜，蝦都冇起白（解凍後翻雪）或者起黑（唔新鮮），所以我地都好滿意。壽司都好多選擇，又有握壽司又有軍艦壽司，款式都好多，我地最鐘意火焰三文魚腩壽司，佢油香味濃，再加少少蒜蓉，超級正。火焰左口魚都好正，魚油多，有少少焦味，好正。軍艦嘅紫菜唔會軟曬，同有我最愛嘅三文魚籽呢！仲有海膽手卷都可以快啲回本。同最值得一讚嘅係佢啲壽司飯唔多，魚生反而大大舊，方便食多幾件！-燒物同熟食方面都幾好，我地試左牛舌串燒，幾好，少少鹽係上面同都幾厚切，食得出係即燒。燒菠蘿都唔錯，係用新鮮嘅，酸酸甜甜，好正。但係有個牛舌嘅小菜就真係唔掂，汁太澀，建議落少啲生粉開會好啲。而個象拔蚌炒菜就得好少象拔蚌，雖然
-
考完試食乜好？放題。
拍拖又食乜好？放題。
約朋友食乜好？放題。
好啦，放題真係好百搭，咩時候都係食放題，滿屋已經開左好多年，至今仍然未執笠係有佢原因嘅，所以今日約左朋友一齊食放題。
-
我覺得滿屋嘅食物選擇好多，有刺身、壽司、烤物、天婦羅、甜品等等，每款再有好多款揀。
-
我覺得佢嘅刺身同壽司係比較正，有貴價刺身，回本在望呀！佢嘅刺身包括油甘魚、北海道帶子、蝦等，我覺得overall都幾高質，例如帶子好大粒同鮮甜，蝦都冇起白（解凍後翻雪）或者起黑（唔新鮮），所以我地都好滿意。壽司都好多選擇，又有握壽司又有軍艦壽司，款式都好多，我地最鐘意火焰三文魚腩壽司，佢油香味濃，再加少少蒜蓉，超級正。火焰左口魚都好正，魚油多，有少少焦味，好正。軍艦嘅紫菜唔會軟曬，同有我最愛嘅三文魚籽呢！仲有海膽手卷都可以快啲回本。同最值得一讚嘅係佢啲壽司飯唔多，魚生反而大大舊，方便食多幾件！
-
燒物同熟食方面都幾好，我地試左牛舌串燒，幾好，少少鹽係上面同都幾厚切，食得出係即燒。燒菠蘿都唔錯，係用新鮮嘅，酸酸甜甜，好正。但係有個牛舌嘅小菜就真係唔掂，汁太澀，建議落少啲生粉開會好啲。而個象拔蚌炒菜就得好少象拔蚌，雖然好有鍋氣，但份量真係唔夠（雖然可以再叫⋯⋯）
-
佢出面有啲熟食同甜品攞，有鴨胸、熟蝦、薯格、章魚燒、沙律等，我覺得質素都幾好，不過容易飽肚，食唔食就見人見智啦！而我覺得佢甜品就麻麻，有啲真係唔係好掂，唯獨值得讚嘅係佢啲芝士撻，有流心、滑、芝士味濃，出面成$23個，食兩個已經好抵啦！同佢有好多飲品揀，有凍有熱，上至汽水下至維他奶，仲有茶同酒，甚至係熱燒酒，好正！不過佢個地板唔算好乾淨，有啲痴笠笠，有改善空間，不過真係好好坐，好寛落。
-
最後，好值得一提嘅係佢上菜速度快，就算係第二三四輪都好快，同員工服務態度都好好。我覺得尼個地方無論係食物質素或者性價比都好高，約朋友一流！
Post
