荳子 (新城市中央廣場)

Open Now

Now Closed

夜晚黎到沙田行街，一時諗唔到食咩就醒起沙田有間聽講好高質既cafe，同埋呢間餐廳都算出名，成日都有聽過佢個名，今次就黎試一試佢！今次我地叫左一份青咖喱軟殼蟹意大利飯($138)、烤三文魚扒($168)，再加左一份薯條配黑松露醬($28)，薯條份量都好足，如果唔鐘意黑松露醬仲可以選擇芝士醬！我見差唔到每一枱客都有叫到，薯條真係好受歡迎青咖喱軟殼蟹意大利飯，首先個意大利飯真係做到意大利飯既口感，雖然睇落去唔太有青咖喱既感覺但係食落去係有香濃既青咖喱味同口感煙韌，係意大利飯既口感！軟殼蟹當然就係原隻上，味道唔差都幾好食！烤三文魚扒，見餐單上寫住係新出品，就試一試佢！當初叫個陣仲怕佢會太細塊會唔夠食，點知完全唔洗擔心，份量好足三文魚扒下面會跟薯蓉，呢間餐廳既薯蓉好易入口，口感好特別，我好鐘意！三文魚扒又唔會烤得太油，整體黎講都幾唔錯！十分推薦跟住我地仲叫左一杯熱既維也納朱古力同凍既榛子朱古力，朱古力味都好濃郁幾好，好滿意！下次仲想試埋佢地既意粉同薄餅價錢都唔算太貴，係一間性價比高既cafe，會推介比多d朋友食！