御品千の味刺身壽司專門店 (海寶花園) (Closed)

屈左喺屋企自閉左好多日，終於頂唔順想出去食個飯。就同朋友近近地，去左呢間新開既舖頭食野。由於武漢肺炎，條街好少人。呢間舖頭就算係新開+今日撞啱感謝日有$20午餐都好少人。Lunch唔駛等位，直接行入去就可以坐低嗌野食。野食都好快黎到。我同朋友就冇叫$20午餐，我哋叫左御品‧半熟牛扒定食(轉烏冬)、生薑汁日本豚肉定食，然後加左日式炸餃子同埋珍寶赤蝦。感謝日menu午餐menu午餐menu珍寶赤蝦珍寶赤蝦︰超大隻，肉質非常爽口彈牙，好新鮮，食落超滿足，仲要超多膏！！非常推介追加生薑汁日本豚肉定食生薑汁日本豚肉定食︰豬有少少濃味，但係送飯唔錯。手卷一般，但係完全冇諗過會係鰻魚。御品‧半熟牛扒定食御品‧半熟牛扒定食︰我就加錢轉左烏冬，然後揀左溫泉蛋。半熟牛扒份量幾多，好腍，而且個汁幾夾，放落口好香。烏冬煙軔有口感，湯飲落唔會口渴，帶少少咸味。店員服務好好，見到我哋食完既碗碟會好主動問我哋，然後拎走。環境唔錯幾好坐，播既歌都幾好聽，又唔會太大聲。價錢合理，野食高質。