mr.kanso (Closed)

琴日同老公周年記念，佢帶左我黎呢間銅鑼灣既Mr.kanso黎慶祝，呢間係用罐頭食品作主打菜式既酒吧餐廳，聽到咁特別，我都好期待🥰❤️👍白汁吞拿魚意粉$88吞拿魚味好濃，配埋白汁好夾，意粉煮得啱啱好，唔會太淋，有口感，吸哂d白汁，好入味！好滑口👍好重忌廉味😚👍烤雞配番薯條 $108我地仲叫左呢款小食，雖然係烤雞，但都好脆皮，皮薄多肉汁，肉質嫩滑，唔會老，蕃薯條都大大條，唔會縮水，脆卜卜，甜甜地好開胃！👍脆炸鯖魚 $78鯖魚多肉，唔多骨，肉質滑，外層炸得好脆身，唔會厚粉，過口癮一流！