紫醉軒 (Closed)

如果你認為食中菜既地方大致上都係一樣，呢度應該可以比到新既體驗你。主打新派中菜，由裝潢、餐具到菜色都可以比到不一樣既感覺。整體環境好吸引我。以紫色紅色為主調，牆壁帶有霓虹燈既設計，好chill好有格調，而且好舒服。中西合璧，中式餐廳crossover酒吧，想同知己好友舉杯暢談又得，一次過滿足哂兩個願望😆［椒鹽九肚魚］第一個反應係：咁大條九肚魚既😳第二個反應係：啲魚肉滑到咁既😳連竹籤一齊炸，成條九肚魚既外層非常香脆，但感覺唔油膩。一咬落去，魚肉滑到好似食緊豆腐咁！應該係食過最滑既九肚魚，讚👍🏻配合埋炸蒜粒，非常香脆可口🫶🏻［黑磚豆腐］賣相好得意！黑忟忟既外層，初初仲估會唔會係黑芝麻，一咬落去發現陣陣炭香，原來係竹炭製成，好新穎。內裡既豆腐又熱又滑，呢個配搭非常好味🤤［陳皮鬼馬咕嚕肉］鬼馬在當中用左油炸鬼取代傳統既菠蘿/桃。咕嚕肉肥瘦適中，啖啖肉。酸甜味剛好。［冬菇滑雞煲仔飯］份量比想像中大煲😆一上菜就聞到陣陣焦香。飯粒分明，口感剛好。冬菇同雞既份量好足料。初初同媽咪兩個都諗住一定食唔哂，點知食下食下⋯😂想再chill啲？呢度仲有室外既位置。好有feel架☺️