Video
Read full review
2022-11-05
187 views
今次相約家人黎到銅鑼灣利東街旁覓食，呢間ozakaya 係10月新開，主打日式Fusion ，走casual dining 路線！餐廳環境舒適好坐，好適合gathering！試左佢嘅Tasting Menu，足足有10道courses! 先點左佢哋嘅cocktail同埋mocktail作配搭。用上sake/ 燒酎做base， 叫左Golden Luna， 賣相好靚，亦幾大杯，飲落會有茉莉花香。另一杯Ozatini就易入口啲，有巨峰提子果香！Shiso Mojito非常特別，紫蘇葉既香氣特別突出！前菜首先會上紅紫蘇粉漬過嘅枝豆。之後會有黎自日本嘅水果蕃茄。蕃茄好清甜，而且底下有紫蘇油同柚子啫喱，成個配搭都好清新！之後Smoked Botan Ebi係煙燻過嘅牡丹蝦。一打開蓋就聞到陣陣燻木香氣，牡丹蝦刺身炙燒過，好彈牙，配埋北海道帶子mousse一齊食，鮮味真係加倍！下一道亦係我最喜歡嘅Uni Toast 。吐司係French Toast style，四邊有先焦糖化，食落甜甜哋，加上鮮甜嘅北海道海膽，一口一啖，太滿足啦！Wagyu Beef tataki係生牛肉薄切。特別在用左日本大根同阿
餐廳環境舒適好坐，好適合gathering！
試左佢嘅Tasting Menu，足足有10道courses! 先點左佢哋嘅cocktail同埋mocktail作配搭。
用上sake/ 燒酎做base， 叫左Golden Luna， 賣相好靚，亦幾大杯，飲落會有茉莉花香。
另一杯Ozatini就易入口啲，有巨峰提子果香！Shiso Mojito非常特別，紫蘇葉既香氣特別突出！
前菜首先會上紅紫蘇粉漬過嘅枝豆。
之後會有黎自日本嘅水果蕃茄。
蕃茄好清甜，而且底下有紫蘇油同柚子啫喱，成個配搭都好清新！
之後Smoked Botan Ebi係煙燻過嘅牡丹蝦。
一打開蓋就聞到陣陣燻木香氣，牡丹蝦刺身炙燒過，好彈牙，配埋北海道帶子mousse一齊食，鮮味真係加倍！
下一道亦係我最喜歡嘅Uni Toast 。
吐司係French Toast style，四邊有先焦糖化，食落甜甜哋，加上鮮甜嘅北海道海膽，一口一啖，太滿足啦！
Wagyu Beef tataki係生牛肉薄切。
特別在用左日本大根同阿根廷青醬黎整個Sauce，生牛肉食落會更惹味同有風味！
之後上嘅係sushi sashimi platter ，各自會有4樣壽司同刺身，好滿足呀！
而且全部都好新鮮好好味。刺身亦係腩位部分，好肥美。
而壽司亦唔單調，好似會有炙燒或者加上海膽、帶子等配搭！
之後仲會有虎蝦野菜天婦羅platter。
虎蝦好大隻，唔算彈牙但有蝦膏，而黎自日本嘅野菜天婦羅更深得我心。因為啲菜都比平時清甜，有驚喜！
下一道係Angel Hair。
配搭海膽、三文魚子同龍蝦汁，呢個配搭下食落真係好鮮味，天使麵亦都好掛汁，龍蝦湯味道好濃，好正！食左咁多道「前菜」真係好豐富！而且好多都係Full Size! 未到主菜已經飽飽哋啦！
主菜可以揀澳洲M6和牛或立鱗燒。
澳洲M6和牛份量多，而且仲好嫩滑，都好食不過就相對無咁驚喜。我更喜歡立鱗燒，因為要整得好食係難嘅！
呢個甘鯛魚立鱗真係好好味，立鱗除左賣相吸引，食落仲好似薯片咁，薄脆酥化，而魚肉保持嫩滑。因為呢個魚味唔算太濃，所以要加埋蕃茄味增醬先剛剛好! 蕃茄味增醬出奇地食落好似咖哩，好特別！
最後嘅甜品係抹茶朱古力心太軟。
切落去都幾流心，而且欣賞佢同時食到抹茶同朱古力兩款流心，唔會單一！
真係一道甜蜜滿足嘅Ending!呢個Tasting Menu真係性價比好高，a la carte上嘅招牌菜都食到，仲要份量大又好味，會再訪！
Post
