Video
Read full review
2018-03-13
1514 views
上次老公生日帶左佢去食日本野, 今次輪到我啦, 佢帶我黎荃灣食好野一出lift, 就見到大大個搶眼佈景板, 因為3月, 連餐廳內都用左櫻花黎佈置, 有心思餐廳內佈置都係日風, 掛滿小燈籠 &櫻花座位係大卡位, 兩個人坐得好舒服入黎時仲見到好大個魚虹, 每款海產都好生猛原來係帶我黎食浜燒枱面都放左個浜燒既爐具同埋好多調味料食物種類好多, 我地諗好除左想食浜燒外, 都想食刺身, 天婦羅等 先黎個前菜三點, 綠豆味豆腐, 彈牙墨魚粒, 魚乾,墊住魚仔既原來係白飯魚干, 非常香脆刺身拼盤, 包括立魚, 深海池魚, 金目鯛, 墨魚, 八爪魚, 牡丹蝦, 拖羅, 每款都係厚切, 賣相滿分新鮮度十足, 刺身油脂甘香, 特別鍾意金目鯛 &拖羅,金目鯛係比較矜貴的魚,色澤鮮紅, 一眼就認得出, 口感鮮甜爽脆拖羅色澤粉嫩, 佈滿油花, 入口即溶, 一試難忘我地食完個刺身後, 無食到牡丹蝦蝦頭, 侍應話可以叫師傅炸左佢, 令我地非常驚喜炸後非常香脆可口, 瞬間變成另一道佐酒小食, 不過食時要小心刮到咀汁煮油甘魚腩, 賣相美觀, 配時令春菜&日本大根蘿蔔魚腩入曬味, 煮後油脂更豐富溢出, 魚肉嫩滑唔鞋口, 而
一出lift, 就見到大大個搶眼佈景板, 因為3月, 連餐廳內都用左櫻花黎佈置, 有心思
餐廳內佈置都係日風, 掛滿小燈籠 &櫻花座位係大卡位, 兩個人坐得好舒服
入黎時仲見到好大個魚虹, 每款海產都好生猛
原來係帶我黎食浜燒
枱面都放左個浜燒既爐具同埋好多調味料
食物種類好多, 我地諗好除左想食浜燒外, 都想食刺身, 天婦羅等
先黎個前菜三點, 綠豆味豆腐, 彈牙墨魚粒, 魚乾,
墊住魚仔既原來係白飯魚干, 非常香脆
刺身拼盤, 包括立魚, 深海池魚, 金目鯛, 墨魚, 八爪魚, 牡丹蝦, 拖羅, 每款都係厚切, 賣相滿分
新鮮度十足, 刺身油脂甘香, 特別鍾意金目鯛 &拖羅,
金目鯛係比較矜貴的魚,色澤鮮紅, 一眼就認得出, 口感鮮甜爽脆
拖羅色澤粉嫩, 佈滿油花, 入口即溶, 一試難忘
刺身拼盤
25 views
0 likes
0 comments
我地食完個刺身後, 無食到牡丹蝦蝦頭, 侍應話可以叫師傅炸左佢, 令我地非常驚喜
炸後非常香脆可口, 瞬間變成另一道佐酒小食, 不過食時要小心刮到咀
汁煮油甘魚腩, 賣相美觀, 配時令春菜&日本大根蘿蔔
魚腩入曬味, 煮後油脂更豐富溢出, 魚肉嫩滑唔鞋口, 而且無骨, 食得放心
一般都好少用油甘魚做汁煮菜式, 更何況係魚腩呢
汁煮油甘魚腩
15 views
0 likes
0 comments
花竹蝦天婦羅, 配天婦羅醬汁, 蘿蔔蓉, 鹽, 同埋新鮮檸檬
天婦羅炸粉超薄但又非常脆, 蝦肉鮮甜, 只係加鹽已經好好味,
連蝦頭都係炸埋, 酥脆可口
花竹蝦天婦羅
31 views
0 likes
0 comments
鹽燒白蛤, 即係蜆, 好大隻, 非常新鮮鮮甜, 殼裡既蜆汁都唔好浪費, 好甜架
最後先食我期待之一既 浜燒盛合+黃金蟹膏甲羅燒
盛合包括帆立貝, 蠔, 蛤, 鮑魚, 見到蛤殼既開開合合, 鮑魚既翻翻起舞, 新鮮至極
浜燒盛合+黃金蟹膏甲羅燒
8 views
0 likes
0 comments
侍應會幫我地燒埋, 唔使自己郁手
侍應話帆立貝好新鮮, 所以會燒到半生熟, 燒個陣加左海鮮醬油, 燒後口感柔軟, 鮮甜美味
燒蠔好大隻, 新鮮肥美, 問過侍應, 原來蠔係來自兵庫縣, 只要加少少鹽, 食到蠔既原汁原味
燒蛤, 燒到蜆半熟時會半張開蓋, 裡面充滿鮮甜的蜆汁, 再加清酒將蜆味提鮮, 鮮味無比
而另一邊既新鮮飽魚好生猛好恩愛, 硬係要黐埋一齊, 侍應亦好細心將飽魚清埋內臟
鮑魚非常彈牙爽口, 加上少少鹽食, 完全食到鮑魚既鮮甜味
燒帆立貝
13 views
0 likes
0 comments
燒蠔
16 views
0 likes
0 comments
燒蛤
31 views
0 likes
0 comments
燒鮑魚
34 views
0 likes
0 comments
黃金蟹蓋裝住既蟹膏超多, 肯定唔只一隻蟹既膏,加上蟹肉, 蟹籽, 鵪鶉蛋, 海膽
一邊燒, 蟹膏香味一邊飄埋黎
平時食蟹膏份量好少, 難得可以大大匙蟹膏放入味, 好正
黃金蟹膏甲羅燒
10 views
0 likes
0 comments
飲品方面, 一杯要左梅酒加冰, 梅子清香醇厚, 好入口
而另一杯係柚子汽酒, 無色, 睇唔出係柚子味, 但入口果味清新, 幾好飲
最後甜品三點, 主要係日本地道甜點,
擺盤精美, 有青檸啫喱, 蕨餅, 紅豆大福
蕨餅, 紅豆大福, 口感都好煙靭
對呢餐飯好滿意呢, 原來係香港都食到咁高質素既日本菜, 拍得住日本喎
Post
