蓮苑 (Closed)

平時去親尖沙咀，都係食西餐或者日本野。今日咁啱行開K11 ，見到有間中菜廳環境唔錯，咁一於入嚟試吓啦。食中菜最緊要梗係飲燉湯啦，呢個螺頭燉雞好香，飲落重好夠味添。人哋話試一間中餐廳質素夠唔夠好，最緊要就係試咕嚕肉。呢度既咕嚕肉色香味俱全，炸得夠哂脆，襯埋個汁簡直一流呀。最鍾意食辣既我，緊係必叫呢個水煮牛肉啦。個汁又香又夠辣，送飯岩岩好呀。而牛肉既烹調時間岩岩好，唔會太硬又唔會太稔。呢個瑤柱蛋白炒飯都又香又足料，炒得夠哂乾身。而且有足夠既菜，食落感覺好健康呀呢間餐廳環境又靚，價錢亦夠平民，等我下次帶屋企人再黎食先。