Forever 友緣西餐 (Closed)

個個都話元朗有好多好野食，今次朋友仔帶我黎呢度食西餐，呢度氣氛唔錯，同埋位置都幾寬敞。一坐低，侍應就攞左個餐前飲品比我地，係蘋果乳酸，都幾特別，因為好少餐廳會有餐前飲品。今晚既SET DINNER，我地已經有心水啦。餐湯係蕃茄洋蔥湯，濃濃既蕃茄味，我好鍾意呢。餐包好特別，竟然係牛角包，個包好香，好有牛油味，微暖好鬆脆。呢個肉眼扒真係不得了，有10安士，叫左7成熟，咬落去好軟身，D肉汁係個口度湧出黎，點埋個黑松露汁，再食到多一個層次。朋友就叫左燒春雞，烤得好香口，但又唔會過份，雞肉仍然好JUICY，而且唔韌。飲品可以轉特飲，呢個係韓國蘋果茶，有蘋果粒粒，酸酸甜甜。