Video
Read full review
2019-11-04
344 views
今晚有食神到，同事升職請食飯，去尚八日式燒肉店。有人請梗係食盡啲啦，揀咗比起普通燒肉放題貴只不過$120嘅和牛·燒肉放題【$438】，再追加壽司刺身放題+$48。食足120分鐘，爽。點餐好方便，用手機scan QR code就入到點餐網頁。食物類別、數量清楚表示。點完餐有埋個list，幾時叫都有晒record。呢度上菜速度都幾快，唔駛煮嗰啲，點完五分鐘內就上枱，亦冇發生過漏單情況。刺身拼盤係送嘅！放題除咗和牛之外，仲有沙律、前菜、雞肉、豚肉、蔬菜水果、湯、飯麵。日本A4和牛上碟時有晒牌仔顯示塊肉屬於咩部位，唔同部位嘅肉味、口感、脂肪含量都唔同，啱食嘅部位就之後不停落單。我哋最鍾意脂肪含量最高嘅【牛三角】，油花嘅香口油味加濃濃牛味，好正。雞肉豚肉同樣高質。【尚八芝士角切伊達赤豚】，外面滿佈芝士粉，切粒嘅豚肉夠厚，食落有口感，肉味濃郁。【柚子薄切黑豚】上面搽咗柚子醬，柚子嘅香甜同豚肉好夾，好特別。【香草汁雞腿肉】嫩滑雞腿肉再加香草嘅清香，食得多都唔怕膩。唔好掛住食肉，一定要留肚食海鮮呀。【燒蜆】係季節限定，勁大粒，燒完仲好大隻水汪汪，記得要早啲叫多啲，否則好快冇晒。【香草牛油廣島蠔】成個錫
點餐好方便，用手機scan QR code就入到點餐網頁。食物類別、數量清楚表示。點完餐有埋個list，幾時叫都有晒record。呢度上菜速度都幾快，唔駛煮嗰啲，點完五分鐘內就上枱，亦冇發生過漏單情況。
刺身拼盤係送嘅！
放題除咗和牛之外，仲有沙律、前菜、雞肉、豚肉、蔬菜水果、湯、飯麵。
日本A4和牛上碟時有晒牌仔顯示塊肉屬於咩部位，唔同部位嘅肉味、口感、脂肪含量都唔同，啱食嘅部位就之後不停落單。我哋最鍾意脂肪含量最高嘅【牛三角】，油花嘅香口油味加濃濃牛味，好正。
雞肉豚肉同樣高質。【尚八芝士角切伊達赤豚】，外面滿佈芝士粉，切粒嘅豚肉夠厚，食落有口感，肉味濃郁。【柚子薄切黑豚】上面搽咗柚子醬，柚子嘅香甜同豚肉好夾，好特別。【香草汁雞腿肉】嫩滑雞腿肉再加香草嘅清香，食得多都唔怕膩。
唔好掛住食肉，一定要留肚食海鮮呀。【燒蜆】係季節限定，勁大粒，燒完仲好大隻水汪汪，記得要早啲叫多啲，否則好快冇晒。【香草牛油廣島蠔】成個錫紙兜上，熟完就蘸香草牛油醬食，又鮮味又香口。其他帆立貝、虎蝦都唔可以錯過。
食完肉就食咗蔬果調劑吓。【菠蘿片】同【粟米】燒出嚟又甜又有香烤味，加倍好味。
食完每人仲有雪糕或雪條贈送。我就推介蜜瓜雪條，韓國好出名嗰隻嚟，食到香甜鮮蜜瓜味，食咗成晚燒肉都感覺透心涼。
Post
