爖月串燒居酒屋

Open Now

Now Closed

今晚特登揀左一間樓上日式居酒屋，風格濃厚，滿櫃既日本酒，掛住紅色燈籠，營造出一種傳統又親切既氛圍，品嘗美食同時心情放鬆。爖月三點月見和牛：和牛肉質細膩，加入生蛋黃食肉香四溢。免治吞拿魚他他：切碎左既吞拿魚肉口感鮮香，配搭紫菜一齊食別有風味。機煮鮑魚：慢煮既方式令鮑魚肉質柔軟而富有彈性。咸牛肉明太子燒山芋明太子既微辣和鮮鹹，與鹹牛肉既味道互相配合，帶來味蕾上既驚喜，山芋爽口，口感層次豐富。手揸餅海膽蝦卷充滿創意既料理，用外皮柔軟既手揸餅，包住青瓜絲，加入海膽/天婦羅蝦，海膽肉質綿軟、滑嫩，天婦羅蝦肉爽口，每一口都充滿了層次感。油甘魚鮫魚皮烤至微焦，肉質油脂豐富，在舌尖上散開，帶來滿口滑潤既感覺。串燒横膈膜(蒜香) : 肉質鬆軟，充滿住肉汁，加入蒜提升左整體既風味。牛舌：厚切牛舌有嚼勁。蘆筍豚肉卷：豚肉包住新鮮既蘆筍，蘆筍中和豚肉油脂香。柚子雞：雞肉口感鮮嫩，加入柚子令雞肉入口更清新。燒茄子原條：茄子肉質綿軟。日本青椒仔：日本小青椒入口有輕微既脆感，口感清新。梅酒梳打特飲傳統既日本梅酒與蘇打水既氣泡輕盈感完美結合，帶來清爽感。