殿·大喜屋

Open Now

Now Closed

個人認為殿 大喜屋絕對喺香港數一數二嘅高質放題！餐廳地方夠大，環境闊落坐得好舒服！重點係食物質數高，而且款式選擇又多，價錢都係三百幾蚊左右，連魚子醬同海膽都可以任食，性價比高回本必點海膽軍艦，用上來自北海道既海膽，質感creamy，不停encore食完又食！居然鱘魚子醬都有得任食，一人叫一罐唔使爭！仲有多款美食，避風塘炒蟹、珍寶燒蠔、花雕醉鮑魚、乳鴿、粉絲蒸扇貝、金湯燴花膠、鵝肝多士、鮑魚撈花菇飯！自助吧有大量前菜、點心、熱盤、飲品，全部任飲任食！甜品有多款雪糕雪條，必點椰皇燕窩燉蛋白，香甜又好味！同時要留意住榴槤蓉出沒，每次一refill就大排長龍，榴槤迷必食超好味！