火鍋郎 (Closed)

朋友想打邊爐慶祝生日，想食日式火鍋。由於朋友平日都鍾意打邊爐，講過幾間佢都食過，努力搵下有咩日式邊爐😂😂 結果發現宜間新餐廳！一入去都幾靚，有一種高級日式餐廳既感覺。侍應亦非常有禮貌為我地講解唔同部位既和牛食落口感既分別。 餐廳有多種和牛部位可以選擇，價錢都算平！大約幾十蚊至一百多元一碟，而其他配料價錢都相宜。另外餐廳仲有清酒可以叫，不過朋友揸車，我地都冇飲到🙈 牛肉質感柔軟，配上壽喜燒湯底果然不錯🤤 湯底較濃，不用調味料都可以！而其他配料質素唔錯！尤其是竹笙好大條！響鈴都係必食推介😍 我同朋友都好滿意餐廳食物及服務！