616燒肉酒場 (Closed)

616燒肉酒場（Tai Wai）工作緣故呢排成日會係大圍附近出沒 朋友推介呢間日式燒肉舖話一定要試😗😗 不論係餐廳嘅環境同埋食物質素估唔到真係好有驚喜 認真值得一試！🥰⌖ 雪·二人特盛Set ❄️💰$888樣樣都想食梗係嗌個套餐最方便 仲要個餐食物都幾豐富㗎～🤔 前菜係蕃茄沙律配芥末沙律汁🍅 份量都唔少 爽口開胃🫣蒸物跟左野菌蟹肉茶碗蒸🍄🦀️🥚 好滑溜 另外配有刺身三點 包括三文魚、油甘魚、赤蝦🦐 三款刺身都夠新鮮 認真不錯😌燒肉拼盤🥩 有七款牛肉🐂 同埋燒白鱔🐟以及野菜🫑 賣相已經夠晒吸引🤩🤩 店員好細心提示可以由淡至濃口味嘅牛肉依次燒🔥 小編最鍾意特選牛小排 入口柔軟 油脂咁爆棚 好滿足😚 另外小編第一次燒白鱔估唔到都可以燒得金黃色😛 加埋醬汁超好食 推薦！主食係溫泉玉子丼🥚🍚 一大碗份量夠足🙈 隔離會配有秘制嘅麻油燒汁方便倒入丼飯 將醬汁、紫菜同溫泉蛋撈埋成個飯 麻油味好香 配燒肉一流☺️☺️飲品揀咗兩杯無酒精嘅飲品🍹友人揀咗提子梳打🍇 小編揀嘅白桃梳打🍑更加有些許果粒 兩杯都好大杯 飲落酸酸maymay😙😙 臨尾店員仲會送上柚子雪葩俾食客做甜品 簡直係完美嘅ending🥹☻ 回頭指數：