和匠日式燒肉店

Open Now

Now Closed

餐廳位置超方便，距離地鐵站一分鐘路程就到。裝修和音樂極具日本風，坐位寬敞，整體環境非常不俗。食物選擇多，餐廳好有心思，將燒烤材料根據各種唔同既食物分開一個個套餐。作為「牛魔王」既我，揀左以牛為主菜既套餐，套餐包左牛小排、牛角切和日本產A4和牛肉眼。我再特別叫番碗白飯黎配牛肉，果種牛香味真係無得頂，尤其是A4和牛，稱得上無懈可擊。燒烤方面我地仲追加左帆立貝，餐廳配上原粒牛油、蒜蓉和黑松露醬，店員好體貼，落手幫我地燒，正。另外，我地仲叫左牛油炒雜菜，充滿牛油香之餘，仲好有穫氣。