和匠日式燒肉店

Open Now

Now Closed

呢度位置超方便，由佐敦站行過黎，唔需要5分鐘。門面裝修好靚，大大個招牌，好似係東京和大阪街頭既餐廳一樣，掛上超大超誇張既招牌和裝飾。餐廳內裡既裝修一樣好有日式風格，有好多日式餐廳既佈置。我地點左個叫做「牛魔再現」既全牛肉燒肉套餐、豆腐沙律、黑松露帆立貝、櫻花海老元貝炒飯，再叫多一杯Mocktail。非常推介大家叫「牛魔再現」，當中包左A4和牛，牛味十足，牛小排和牛角切既肥瘦適中，店員仲好多耐性咁教我地點樣燒，可以將味道推至極緻，一級棒！另外，櫻花海老元貝炒飯亦都非常推介，超多櫻花蝦和元貝，每啖都好足料，炒得好有鑊氣，好掂！