和匠日式燒肉店

Open Now

Now Closed

朋友知我中意食燒肉，佢話之前食過呢間覺得好好食，所以今晚就帶我黎試下。平日晚上呢間餐廳都咁多人，我諗都真係好好食。餐牌有好多唔同款式的肉類可以選擇，仲有海鮮、熟食等。日本國產鹿兒島黑豚，豚肉唔會好肥，肉質鬆軟，幾香豬肉味!日本產帆立貝，呢度的帆立貝都幾大隻，面頭有牛油和黑松露。帆立貝燒到上面的水份滾起便可以反轉再燒另一面。帆立貝鮮甜彈牙，有淡淡的黑松露味。三文魚籽海膽炒飯，眼見基本上枱枱都會點。三文魚籽脹卜卜，海同拌入了炒飯，帶有點點海膽的味道，還有帶子、蝦等材料，特別惹味!Melon Mocktail，食燒肉又點可以唔飲D有氣的飲品，這杯飲品有淡淡的蜜瓜味，唔會好甜!呢間餐廳肉類質素高，可以book mark下次再黎。