丼瀛 (Closed)

又到左介紹觀塘美食既時候啦٩(˃̶͈̀௰˂̶͈́)و我相信好多人都聽過丼瀛呢間餐廳，我以前係觀塘返工成日食😋又大份又抵食💕 今次係第一次食晚市，店員話原條日本空運飛機魚係每日新鮮由日本空運到港架！每日都要4-5點先送到過黎，所以得晚市先有架😆！而且條魚既食法係二段食，食完刺身可以加20蚊將剩底既魚骨同魚肉煮成鮮魚湯烏冬～ 今日食既個條魚叫蓮子鯛，店員話刺身有三個食法。 1）刺身配辣蘿蔔蓉2）刺身配醋3）刺身配辣蘿蔔蓉+醋 每款食法都有唔同味道，我最鍾意刺身配辣蘿蔔蓉加醋，醋可以帶出刺身既鮮味，蘿蔔蓉再加添少少辣既口感。刺身既擺盤好靚，睇得出師傅刀功好好呀👍🏻 食完刺身，店員就會開始準備鮮魚湯烏冬，魚湯非常鮮甜，無腥味，飲得出唔係味精湯，真材實料呀😍烏冬扁長彈牙，應該係日本稻庭烏冬🤤🤤 茶碗蒸配料有冬菇、雞肉、鳴門卷，蛋味香濃，十分嫩滑 店員對每枱客人都講解得十分清晰，會推薦客人菜式，態度好好，環境又舒適👍🏻抵讚！