都佐 (Closed)

今日約咗個好朋友敘舊，佢話呢間餐廳之前食過好好食，所以今日都帶咗我去試吓！😎本身都已經好鍾意食日本嘅烏冬，見到呢度有個椰菜咖喱烏冬一定要叫黎試吓啦！呢個和風野菜咖喱讚岐烏冬份量好多，而且呢度嘅和風椰菜都係用新鮮嘅蔬菜，而且好甜！加埋呢個咖喱烏冬一齊食好健康！而且呢個烏冬好滑好彈牙，煮得啱啱好！配合埋咖喱汁一齊食非常配合！另外仲叫咗一個豚肉配醬油蛋黃漬和風飯團！呢個和風飯團好精緻，而且豚肉嘅份量都好多！最令我有驚喜嘅係呢個蛋黃漬！好似係要前一晚準備好今日先會有得食，所以係限定份量的！呢個醬汁加埋豚肉一齊食真係冇得輸！豚肉本身已經好好食，而且呢度嘅油香好足夠！所以非常吸引😎