海街丼 (東港城)

Open Now

Now Closed

之前試過鰂魚涌嘅分店，鍾意佢嘅裝修超有日本居酒屋feel，今次嚟到位於將軍澳嘅分店試吓。刺生兩點（$110） - 包括油甘魚、帶子刺身，兩款都好新鮮，油甘魚厚切，帶子大大粒，入口鮮甜。燒鰻魚飯 （$160）- 鰻魚分量相當多，亦好厚身，燒得好香。餐廳另外提供茶漬湯及配料，店員提醒可以食剩三份一時加入魚湯，一菜兩食，又幾特別。牛油果豆腐（$55）- 豆腐好香好滑，配埋牛油果，仲有木魚、紫菜同埋紫菜。味道好夾，亦係好健康嘅一道菜。和風薯仔沙律（$42）- 薯仔沙律味道好清新，入面除咗有薯仔之外，仲有紅蘿蔔同埋青瓜。好開胃，亦好適合夏天食嘅一道菜。餐廳佈置好有心思，環境亦舒服好坐。食物質素唔錯，價錢亦相當合理。