令酒場 (Closed)

今日同朋友嚟咗中環度覓食，之前聽人講過呢一間係一間性價比好高嘅居酒屋，所以就嚟幫襯啦！居酒屋嘅感覺溫馨，而且店員嘅態度友善良好，食得滿足坐得舒適，值得再來光顧！下次一定會黎試佢既時令刺身😍嚴選壽司🍣盛合(8貫)壽司八個款都唔同，分別有拖羅、油甘魚、金目鯛、赤六、帶子、三文魚子、海膽💕時令新鮮sushi!! 每一片刺身都切得好厚，飯唔會話好多，最合適嘅比例!! 特別鍾意食海膽，新鮮嘅味道喺味蕾不停散發!!! 食到我舔舔脷☺️☺️😋火炙左口魚邊丼火炙左嘅左口魚邊微焦，香噴噴，令人食指大動！左口魚邊肉質細嫩，甘甜嘅魚油緩緩滲出，層次豐富。將個溫泉蛋篤穿之後，鮮黃色嘅蛋液流出嚟，太吸引啦！記得撈匀蛋、魚、飯，味道一流，好想一個人食曬成碗😍豚稻庭烏冬熱辣辣，豚肉上面鋪咗蛋絲、蔥等，肉質腍嫩。成個烏冬份量好多，稻庭烏冬口感爽滑彈牙，湯底鮮甜。唔錯！呢間餐廳服務好，食物質素高，值得收藏，下次再要同朋友一齊食先得！