臻一鮨 (Closed)

真係估唔到重慶大廈附近都有好味嘅日本料理,座位舒適,於是同朋友去試下,一入席職員就為我哋奉上熱茶壽司、卷物:壽司飯冇明顯嘅醋味,飯量啱啱好,分別揀咗燒左口魚、燒三文魚、牛油燒帶子,帶子有淡淡嘅牛油香,個人最鍾意係左口魚,油脂爆燈。另外叫咗個蔥吞拿魚手卷,吞拿魚蓉新鮮,口感軟綿。朋友就特別鍾意炸星鰻牛油果卷,鰻魚嘅味道融入咗牛油果捲入面,一脆一淋都幾夾,汁帶甜味。刺身:因為有啲唔夠喉,又追加咗刺身,魚料都係非常新鮮嘅,不過刺身嘅選擇就唔算多豬肉烏冬:用嘅應該係稻庭烏冬,比較淋,豬肉不錯炸魷魚鬚:呢個係黎到一定要嗌嘅😃👍外表炸得香脆,入面軟淋,魷魚味夠曬香,配酒一流