Video
Read full review
2023-07-31
63 views
之前聽好多朋友介紹過呢間「岩鹽日本料理」，所以一早已經將餐廳放咗喺 wish list，咁啱今日有事要嚟銅鑼灣，晏晝就專登過嚟食個午餐。裝潢以日和風格作設計，近門口位置設有開放式廚房，客人可以透過玻璃直接觀賞廚師製作釜飯嘅過程。餐廳午市主要供應定食，Menu 選擇非常之多，價錢由 $128-$338 不等，豐儉由人。點咗火炙壽司牛肉烏冬定食 ($158) 同 鹽燒鯖魚定食。前者配有沙律，蒸蛋，味噌湯和漬物，分量十足。壽司有火炙三文魚腩、左口魚邊、帶子、穴子、油甘魚、海膽赤蝦同 2 件卷物。三文魚腩相當肥美，入口充滿油脂。赤蝦鮮度十足，加上火炙海膽，入口即溶。另外原條穴子都好正，足足有成隻手掌咁長，食落肉質好細緻，燒汁濃香惹味。牛肉烏冬水準亦唔錯，上桌時仍熱辣辣，牛肉嫩滑，烏冬彈牙有咬口。至於另一客鹽燒鯖魚定食 ($128) 就配有白飯、味噌湯、沙律、蒸蛋、漬物和刺身三點。鯖魚比預期大條，非常厚肉，而且燒得十分香口，外皮焦脆，肉質又有油脂，食落唔會乾爭爭，唧少少檸檬汁上面，已經好夠味。午市定食仲包一杯飲品或雪糕，雪糕有 Häagen-Dazs 朱古力馬卡龍 同 Mövenpick 士
之前聽好多朋友介紹過呢間「岩鹽日本料理」，所以一早已經將餐廳放咗喺 wish list，咁啱今日有事要嚟銅鑼灣，晏晝就專登過嚟食個午餐。
裝潢以日和風格作設計，近門口位置設有開放式廚房，客人可以透過玻璃直接觀賞廚師製作釜飯嘅過程。
餐廳午市主要供應定食，Menu 選擇非常之多，價錢由 $128-$338 不等，豐儉由人。
點咗火炙壽司牛肉烏冬定食 ($158) 同 鹽燒鯖魚定食。前者配有沙律，蒸蛋，味噌湯和漬物，分量十足。
壽司有火炙三文魚腩、左口魚邊、帶子、穴子、油甘魚、海膽赤蝦同 2 件卷物。三文魚腩相當肥美，入口充滿油脂。赤蝦鮮度十足，加上火炙海膽，入口即溶。
另外原條穴子都好正，足足有成隻手掌咁長，食落肉質好細緻，燒汁濃香惹味。牛肉烏冬水準亦唔錯，上桌時仍熱辣辣，牛肉嫩滑，烏冬彈牙有咬口。
至於另一客鹽燒鯖魚定食 ($128) 就配有白飯、味噌湯、沙律、蒸蛋、漬物和刺身三點。
鯖魚比預期大條，非常厚肉，而且燒得十分香口，外皮焦脆，肉質又有油脂，食落唔會乾爭爭，唧少少檸檬汁上面，已經好夠味。
午市定食仲包一杯飲品或雪糕，雪糕有 Häagen-Dazs 朱古力馬卡龍 同 Mövenpick 士多啤梨 2 款口味，當然唔可以錯過，用嚟做飯後甜品一流！
Post
