稻庭養助

Open Now

Now Closed

同朋友相聚，都想搵個好地方，既可以傾計，又可以食餐好嘅。呢度嘅選擇好多，今次兩個女仔黎，想試多d野，就放棄澱粉質，唔叫佢哋出名嘅烏冬喇。首先黎個帆立貝刺身，切得幾厚身，但唔算好鮮甜，有d失望。跟住黎嘅鰹魚沙律好大份，鋪滿左魚片，魚肉燒到半生熟，好鮮，拌住好多蔥、蒜、洋蔥、生菜同酸汁，醒胃又好味！細心嘅老闆俾個夾我地分黎食。夏天食感覺清爽，唔怕有口氣嘅話要試下 😄味噌燒蟹羔蟹肉滿滿一個，蟹羔好香，拌住絲絲鮮甜嘅蟹肉，用隻小匙羹分黎食，好快就食到乾乾淨淨。野菜炒魷魚，好似已經變左我每次黎必食嘅菜式，爽甜嘅炒椰菜同柔軟嘅魷魚真係好夾，對於我黎講，佢就好似廣東小炒嘅小炒王，夠晒惹味。我係個魚痴，見到燒魚一定會嗌，今次就試左燒赤魚，份量好大，店家已經切好，方便分黎食。魚肉好厚身，好實淨，擠d檸檬汁，點d蘿蔔蓉同酸汁，好香好好食呀！呢度嘅食物質素高，價格合理，希望keep住水準!P.S.呢度星期五好爆，記住訂位呀！