Video
Read full review
2017-11-09
38 views
平日返工咁辛苦，放工就緊係搵D好野食，同朋友傾下計啦。位於天后琉璃街既「鮨豊」，開業都有半年， 地鐵站行過去都係五分鐘左右，店內有大約20個座位，環境寬敞，位同位之間都有好多空間，私隱度極高，坐得都算舒服。餐廳所使用既日本材料一星期六天由日本築地空運來港，確保品質新鮮，除此之外，仲會供應日本鮪魚（MAGURO）唔同既部位，好似大拖羅、中拖羅咁，當然都唔少得刁鑽既部分，好似全條魚最肥美既鮪魚頸拖羅，香味超重的筋拖羅，一條鮪魚只有2片既腦天等等。難得黎到就梗係食好嘢啦，我哋叫咗一個壽司套餐同埋omakase course share 食， 所謂omakase,即係廚師發板嘅意思，由廚師挑選新鮮時令嘅食材比客人食用，並着重氣氛同埋同客人交流。Omakase course 有冷盤，前菜，壽司10件，手卷，湯同埋甜品。至於壽司套餐，就有前菜，黑鮪壽司三款，烏魚子海膽蝦丸，海鮮丼三款，湯同埋甜品。鮟鱇魚肝係香港真係唔多地方食到，口感同鵝肝相約，香濃之餘都帶點油膩，同時間都有鮮魚既鹹香。加埋伴碟嘅蕃茄同埋冰菜，入口非常清新。10件壽司分別有金目鯛，秋刀魚，鯛魚，花竹蝦，赤貝，喜之次，鰤，海膽等等既款
位於天后琉璃街既「鮨豊」，開業都有半年， 地鐵站行過去都係五分鐘左右，店內有大約20個座位，環境寬敞，位同位之間都有好多空間，私隱度極高，坐得都算舒服。
餐廳所使用既日本材料一星期六天由日本築地空運來港，確保品質新鮮，除此之外，仲會供應日本鮪魚（MAGURO）唔同既部位，好似大拖羅、中拖羅咁，當然都唔少得刁鑽既部分，好似全條魚最肥美既鮪魚頸拖羅，香味超重的筋拖羅，一條鮪魚只有2片既腦天等等。
難得黎到就梗係食好嘢啦，我哋叫咗一個壽司套餐同埋omakase course share 食， 所謂omakase,即係廚師發板嘅意思，由廚師挑選新鮮時令嘅食材比客人食用，並着重氣氛同埋同客人交流。
Omakase course 有冷盤，前菜，壽司10件，手卷，湯同埋甜品。
至於壽司套餐，就有前菜，黑鮪壽司三款，烏魚子海膽蝦丸，海鮮丼三款，湯同埋甜品。
鮟鱇魚肝係香港真係唔多地方食到，口感同鵝肝相約，香濃之餘都帶點油膩，同時間都有鮮魚既鹹香。加埋伴碟嘅蕃茄同埋冰菜，入口非常清新。
10件壽司分別有金目鯛，秋刀魚，鯛魚，花竹蝦，赤貝，喜之次，鰤，海膽等等既款色，魚多飯少，食完十件都唔會太飽。上菜時店方仲好細心同我地介紹盤上既每款壽司添。
所有刺身不但厚切而且非常新鮮，最值得一讚嘅係金目鯛，微微灸燒過後上面再加上香脆口感既七味粉，好好味。
至於伴碟既甜蛋，口感鬆軟而且帶有甜味，唔知仲以為食緊蛋糕添。
吞拿魚腩卷充滿油香，質感柔軟，鮮甜得來仲好香滑。
海鮮丼三款分別係海膽，三文魚子，同埋黑鮪魚腩蓉。
海膽入口一啲都唔腥，而且仲好甜，加埋少少海草，入口非常清新。
至於三文魚子，份量超多，加入左少少柚子汁，入口唔腥。
最精彩嘅係黑鮪魚腩蓉，黑鮪腩蓉加入蔥同柚子後味道好香，入口非常清甜。
黑鮪壽司共有三款，分別係赤身，中拖羅同埋大拖羅，全部都啖啖油脂，入口即溶。
𩶘魚湯賣相奶白色，入口有香濃既魚味，味道清甜，除咗有魚肉之外，仲有好多菇同埋豆腐添。
烏魚子海膽蝦丸:包住海膽蓉嘅蝦丸，做法極具創意，味道不但唔腥而且仲好香甜，值得一讚。
牡丹蝦:配合海膽魚子醬一齊食嘅牡丹蝦，入口鮮甜，賣相亦都相當吸引。
甜品分別有豆腐雪糕，綠茶布甸同埋蜜瓜。豆腐雪糕味道香濃，綠茶布甸都整得相當香滑。除此之外，蜜瓜又甜又多汁，入口軟綿綿，為我哋嘅晚餐畫上一個完美嘅句號。總括黎講，今次用餐體驗唔錯，店員有禮貌之餘仲好細心，雖然價錢偏貴，但係食物同服務都有如五星級酒店，都算值回票價。
Post
