居酒屋·姫 (Closed)

尖沙咀天文台圍，原來呢度都有啲咁高質嘅日本菜，值得介紹下😋又有燒物，魚生刺身，炸物，串燒……真係幾多選擇。北海道產活毛蟹好似去咗大阪蟹道樂，一蟹多食，師傅整咗蟹柳同埋蟹肉碎，點埋啲蟹膏一齊食，鮮甜到極。竜田炸雞雖然佢係炸，但係一油膩同埋熱氣嘅感覺都冇，雞肉仲保持到鮮嫩有雞汁，唔錯唔錯。愛智產活白象拔蚌刺身好少食日式象拔蚌刺身，超級爽甜，佢將唔同部位嘅象拔蚌，切成唔同嘅形狀，令到我哋有不同嘅咬口。擺得又靚，又可以影吓相。