梅丘壽司の美登利総本店 (青衣城1) (Closed)

出開青衣就想係返青衣城醫肚，知道「過江龍」梅丘壽司登錄青衣，當然要試下！！佢坐落係青衣城地下一層，附近好多野食，不過日本野始終都受歡迎，黎到已經無咩位！坐低即刻叫野食，首先一定要試佢個「特選壽司手握盛合」，佢由十件壽司組成，包括鰻魚，海膽，三文魚，吞拿魚，魚子，墨魚，蝦等，一次過滿足晒所有人願望！每件都份量十足，飯團又實又好口感，擺出黎已經好似一碟藝術品，食果下又係極上享受，必食對介！另外，我地點左份炸蝦卷，又係無得彈！唔單止每件內裡既蝦又新鮮又香脆，每件上面又有件炸蝦，絕無偷工減料！最後叫左個烏冬，無他，純粹因為果下想食烏冬！普通啦呢個！不過Ｄ壽司堅好食！下次要再試其他壽司！