鮨玥 (Closed)

又係時候食下『家鄉菜』。今晚泥到『蘇豪東』，試下呢間『鮨玥』。佢鋪面唔算好大，但望落光鮮整潔，坐得幾舒服。望兩望餐牌就叫左以下既食物喇。唐揚日本池魚苗/鱈魚干首先叫咗兩樣『送酒菜』：『唐揚池魚苗』同『鱈魚干』。兩樣都係送酒一流既菜式，尤其首推『鱈魚干』。壽司/卷物壽司方面，我地叫左『海膽軍艦』。壽司飯上面鋪左滿滿既海膽，食落口散發淡淡海水味。另外我哋仲叫咗『牛油果軟殼蟹卷』同埋『蚧籽青龍卷』（炸蝦卷）。兩樣卷物都大大件，特別係個炸蝦卷，點埋個沙律醬泥食，好開胃。刺身刺身方面，我哋點咗『池魚王刺身』。刺身夠新鮮，配埋佢特製嘅醬汁，酸味味，好開胃。燒物最後，我哋點咗『鹽燒吞拿魚鮫』。呢隻魚鮫好大隻，外面燒到好脆，但啲肉又好夠嫩，真係好好味。