Video
Read full review
2023-01-20
149 views
喺灣仔新開咗4個零月嘅卓鮨，門面同內在裝修一貫以木系為主，分為上下兩層，木材嘅設計手法增加咗視覺空間感，營做平靜舒服氛圍🎐 晚市有3個Omakase揀，今次揀咗中間價位$1480, 有先付，6貫刺身，8貫壽司，和食，お碗，でセット其實食到第4件壽司，已經飽到同師傅講要少飯🙈 而家仲做緊個promotion✨星期四Ladies Night, 每兩位女士會隨機送一支300ml Sake🍶 🥢先付高糖份蕃茄，天婦羅蝦🦐沖漬螢光魷魚🦑食到個蝦時嘢時已忍唔係要叫師傅即刻開咗支Sake😂 天婦羅蝦用咗櫻花蝦，蝦鮮特別重，個天婦羅粉漿咸咸地好脆好食，螢光魷魚有濃郁似蟹膏嘅味道🐡6貫刺身北海道厚岸蠔🦪勁肥美，中間位好creamy, 但邊邊位就好爽口，鮮甜帶海水味有春季第一水嘅鰻魚苗😳 師傅話我哋呢個時間嚟最正，因為可以食晒冬季同埋春季初嘅時令食材🤗 鰻魚苗勁似河粉咁滑捋捋，加咗柚子酸汁好開胃🍊柚子酸汁鱈魚白子，師傅話白子已經係冬季嘅收季食材，食埋呢一水就冇嚕🥹 啲白子勁新鮮白雪雪好肥，入口即溶墨魷魚刺身兩食，先食刺身部份，然後魷魚鬚係火槍輕燒過嘅帶少少焦香味，加埋梅子醬紫蘇葉一齊食，口感清爽被日本人視
晚市有3個Omakase揀，今次揀咗中間價位$1480, 有先付，6貫刺身，8貫壽司，和食，お碗，でセット
其實食到第4件壽司，已經飽到同師傅講要少飯🙈
而家仲做緊個promotion✨星期四Ladies Night, 每兩位女士會隨機送一支300ml Sake🍶
🥢先付
高糖份蕃茄，天婦羅蝦🦐沖漬螢光魷魚🦑食到個蝦時嘢時已忍唔係要叫師傅即刻開咗支Sake😂 天婦羅蝦用咗櫻花蝦，蝦鮮特別重，個天婦羅粉漿咸咸地好脆好食，螢光魷魚有濃郁似蟹膏嘅味道
🐡6貫刺身
北海道厚岸蠔🦪勁肥美，中間位好creamy, 但邊邊位就好爽口，鮮甜帶海水味
有春季第一水嘅鰻魚苗😳 師傅話我哋呢個時間嚟最正，因為可以食晒冬季同埋春季初嘅時令食材🤗 鰻魚苗勁似河粉咁滑捋捋，加咗柚子酸汁好開胃🍊
柚子酸汁鱈魚白子，師傅話白子已經係冬季嘅收季食材，食埋呢一水就冇嚕🥹 啲白子勁新鮮白雪雪好肥，入口即溶
墨魷魚刺身兩食，先食刺身部份，然後魷魚鬚係火槍輕燒過嘅帶少少焦香味，加埋梅子醬紫蘇葉一齊食，口感清爽
被日本人視為最珍貴魚類之一既「喜知次」😍海中紅寶石💍美譽，肉質細嫩，魚皮輕輕火灼過，魚油加埋日本機蔥同白蘿蔔蓉提鮮，非常鮮味
「深海池魚腩」出名肉厚刺少，肉質鮮嫩肥美，魚脂濃郁，入口質感爽脆。師傅仲用咗厚切，食落層次感出晒嚟
萬眾期待嘅「中大拖羅」🥹 大方嘅師傅切到半寸厚😱 拖羅油脂非常厚，脂肪分布似雪花❄️ 魚油甘香細膩，同池魚唔同嘅係佢口感入口即化嘅感覺
第一次食吞拿魚嘅刁鑽位 「筋拖羅」😈 肉質鮮嫩肥美油香味重，望住師傅用火燒炙後啲魚油逼晒出嚟一露滴，燒完油香味重豐腴細滑，痴線級滿足🥰 師傅過原來呢個部位仲要係可遇不可求🤫下次都未必再食到😌
鮟康魚乾加青瓜，細砌到一舊舊份量好多🤩 口感綿密順滑，油脂香醇，好似食緊鵝肝咁🤤 加埋🥒好夾，中和番一啲都唔會驚溜。
肝醬鮑魚，用返鮑魚自己本身嘅乾去做個醬汁，口感爽脆彈牙，個肝醬更加帶出鮑魚自身種鮮味👍🏻
🍣8貫壽司
時令毛蟹🦀滿瀉嘅蟹肉配埋少少柚子皮，個醋飯仲撈埋左蟹膏，啖啖都係蟹肉蟹膏嘅鮮甜仲有啲蟹粉嘅甘香味道
針魚係一月開始嘅時令食材，因為肉身比較薄通常會用鬢邊形式上碟，增加肉質嘅口感，魚味略淡但油鮨優厚
活北寄貝🐚 貝肉肥美厚實好彈牙，口感爽脆，帶甘甜鮮味
左口魚，面頭仲有火炙過嘅左口魚邊，兩者一齊食，帶少少焦香嘅魚邊令到成個魚脂味好豐富
火炙地金目鯛，用火燒出金目鯛魚皮油分，魚皮脆到好似豬肉紙咁，魚肉又嫩滑
火炙沙甸魚，同樣燒完嘅魚，脂香中帶甜味呢個加咗啲黃蘿蔔喺面，仲有啲清爽感
火炙鱈魚，魚肉帶豐腴油分而不膩，口感啲似拖羅不過爽口啲而且嫩滑，但油香就不及拖羅重
鹽水馬糞海膽，鹽水海膽僅用海水保存，全天然無添加，海膽原本嘅鮮甜味道好出，帶咸咸地海水味，口感實在
🥣鯛魚湯，食咗咁多生冷野飲番碗熱辣辣嘅魚湯暖番個胃做結尾，師傅話用咗好多唔同魚熬出嚟，真鯛，金目鯛，佐口魚骨等，熬到奶白嘅魚湯勁鮮甜，毫無魚腥，平時怕魚湯腥嘅朋友都一定飲到
🍈でセット係靜岡縣哈蜜瓜，清甜夾口唔漏
Post
