Muze Mozz (Closed)

西班牙八爪魚帶子伴蕃茄沙沙帶子輕煎過，配煙靭嘅八爪魚，同酸甜清爽嘅蕃茄沙沙，口感豐富，一啖食晒好滿足，擺盤好精緻~Mozz黑松露醬薯條 薯條香脆，除咗辣粉同紫菜粉作調味，可以按喜好點黑松露醬同茄汁，黑松露醬好濃郁同Creamy，我哋都食到停唔到手！泰式咖喱蟹肉他他配薄餅雖然係咖喱，但食落有冬蔭功味，味道香濃，酸辣特別開胃，而且蟹肉好足料，每一羮都有！配埋酥脆嘅薄餅一齊食，好惹味~三款小食都好啱餸酒~香煎鱸魚伴西班牙式蕃茄意粉厚身嘅鱸魚煎得外脆內軟，肉質嫩滑鮮甜，蕃茄醬濃郁，加埋辣肉腸一齊炒，另外蒜香重，意粉爽口彈牙，成個配搭好match，食完好滿足~Autumn Place🍂層次豐富，一開始飲到香甜桃味，慢慢到最後有少少苦味，賣相好吸引，上層嘅泡泡加咗幾塊乾葉Passion Dream🍹由熱情果、菠蘿同橙調配嘅mocktail，好啱夏日炎炎飲返一杯，酸酸甜甜幾清新，食到粒粒熱情果肉餐廳行復古型格路線，主打西班牙菜，分咗餐廳同酒吧兩邊，燈光暗暗地，一邊食嘢一邊聽住音樂，幾有氣氛，餐廳個一邊以橙色做主調，牆身亦都有壁畫可以打卡，色彩繽紛充滿藝術感，最啱週末同朋友嚟chill吓