Video
Read full review
2023-08-16
25 views
今日又到蘇豪區，見到個招牌咁特別，就嚟試吓呢間龍虎豹！入面嘅裝修真係好有特色，大家可以慢慢欣賞。嚟到先叫咗個「鯛魚薄切」（$158），份量有好多呢！而且都真係切得好薄，上面用咗辣椒嚟調味，食落口先係辣感綻放，魚嘅油香先再慢慢滲返出嚟，加埋少少酸汁喺個底度，會覺得好Fresh，而又有食刺身果種滿足感。之後就叫咗個「炸蓮藕配雞肉」（$48），呢個都幾抵食，係兩塊蓮藕片夾住一大舊雞肉，嚟到時熱辣辣，炸得好香，加埋沙律醬十分滋味！跟住叫咗一啲串燒，有「梅子醬雞」（$48）、「牛肋條」（$48）、「日本五花腩」（$58）同「秋葵」（$28）我個人最鍾意食梅子醬雞，雞肉夠厚身，上面有啲紫蘇葉，加埋梅子醬，有啲似係台灣食生果會落嘅梅粉味道，成個調味好酸甜，十分惹味！牛肋條嘅牛肉味都濃郁，會更帶出黑椒嘅味道。而五花腩都大大舊，肉同脂肪比例適中，較有咬勁，最啱一邊飲酒一邊食！山葵都整得好有心機，除咗燒得好香軟之外，上面仲搽咗一層燒肉醬，食落就更加香口。之後係壽司卷物時間！先叫一客「三文魚壽司」（$48）同一客「辣吞拿魚軍艦」（$58）三文魚切嘅厚薄適中，有充足時間咀嚼，同時又用咗啲鹽調味，都幾有層次。而
入面嘅裝修真係好有特色，大家可以慢慢欣賞。
嚟到先叫咗個「鯛魚薄切」（$158），
份量有好多呢！而且都真係切得好薄，
上面用咗辣椒嚟調味，食落口先係辣感綻放，
魚嘅油香先再慢慢滲返出嚟，加埋少少酸汁喺個底度，
會覺得好Fresh，而又有食刺身果種滿足感。
之後就叫咗個「炸蓮藕配雞肉」（$48），
呢個都幾抵食，係兩塊蓮藕片夾住一大舊雞肉，
嚟到時熱辣辣，炸得好香，加埋沙律醬十分滋味！
跟住叫咗一啲串燒，有「梅子醬雞」（$48）、「牛肋條」（$48）、「日本五花腩」（$58）同「秋葵」（$28）
我個人最鍾意食梅子醬雞，雞肉夠厚身，
上面有啲紫蘇葉，加埋梅子醬，有啲似係台灣食生果會落嘅梅粉味道，
成個調味好酸甜，十分惹味！
牛肋條嘅牛肉味都濃郁，會更帶出黑椒嘅味道。
而五花腩都大大舊，肉同脂肪比例適中，較有咬勁，最啱一邊飲酒一邊食！
山葵都整得好有心機，除咗燒得好香軟之外，上面仲搽咗一層燒肉醬，食落就更加香口。
之後係壽司卷物時間！先叫一客「三文魚壽司」（$48）同一客「辣吞拿魚軍艦」（$58）
三文魚切嘅厚薄適中，有充足時間咀嚼，同時又用咗啲鹽調味，都幾有層次。
而吞拿魚軍艦真係正到不得了，吞拿魚茸有好多，入口即溶之餘，仲有種食極都有、源源不絕嘅滿足感！辣味適中，唔會太辣太搶味。
卷物方面，叫咗一客「辣三文魚卷」（$128），
呢款真係好抵食，卷物量好多，賣相又靚！
上面鋪滿嘅係乾蔥碎，仲有蛋黃醬伴碟，有啲避風塘菜式嘅感覺！
入面舊三文魚好Fresh，配上咁香脆嘅配菜，
成個配搭都好特別，格外適合佐酒。
另一款叫咗「蜘蛛卷」（$98），
呢款係大軟殼蟹卷，非常特別嘅係佢用咗傳統嘅芒果做餡料之餘，
仲有飛魚籽同紫蘇葉，層次十分豐富，
入到口幾種唔同Texture嘅食材輪流觸碰味蕾，好好食！
最後叫咗兩杯Cocktail，
一杯係「Shirafuda High」（$100），係威士忌蘇打，
都係比較Classical嘅Highball，再加埋少少嘅日本柚子味，
好易入口，味道亦較溫和。
另一杯係「Sho High」（$105），呢款就係用琉球嘅烈酒嚟沖調嘅，
而個底係好清新嘅青檸同金桔味，香味同酸味都十分突出！
呢度有Bar枱有普通座位，夜晚幾近座無虛席，氣氛都好好！
無諗過新派嘅日本菜會咁正！
Post
