Homeland (東昌街) (Closed)

同朋友嚟開大埔，就去試下呢間好多人堆介嘅小店：Homeland。環境嚟講幾舒服，Chill，好啱同朋友食嘢傾偈。而且呢到有好多本地手工啤，仲可以Chill住飲嘢同時，支持本地嘅產業。呢排做緊推廣，$108 2支手工啤。我地朋友一嚟就揀咗一人一支手工啤先：滿月（Honeymoon：龍眼蜜味）同埋麥子嘅桂啤（桂圓味）。Honeymoon就好清香，酒味唔重，易入口，真係好似飲緊龍眼蜜咁；桂啤就重酒味D，偏苦（啤酒花），睇吓大家鐘唔鐘意啤酒嗰種苦味。食物就叫咗一個三色藜麥八爪魚沙律、一個Carbonara、一個明太子海鮮Pizza，同埋一個檸檬蛋白批。三色藜麥八爪魚沙律($58)：加咗黑醋喺D沙律到；八爪魚就有煎過，幾香，不過有D難咬。整體嚟講，係幾特別嘅沙律。Carbonara ($128)：大推呢個！呢到唔係用煙肉，而係用火腿，肉嘅咸香味好正，同個意粉好夾。另外仲有兩三塊Parma Ham，超正！明太子海鮮Pizza ($118)：日式Pizza，D海鮮都足料。明太子味唔算好出，不過整體嚟講嘅味道都幾得意，有新意。檸檬蛋白批($58)：佢嘅蛋白整的軟綿綿好好食，配搭開胃檸檬批，一流嘅甜品。