八居酒屋 (旺角新城)

Open Now

Now Closed

今晚既晚餐係旺角新城樓上既呢間居酒屋度享用，無論係服務定係菜既質素都好好，令我一食就愛上！三色海膽丼呢一個三色海膽丼一放上台已經覺得好好食，顏色鮮豔，望落去都覺已經覺得胃口大增。初嘗一口海膽，個味道超級新鮮，超級fresh，而且啲三文魚籽，粒粒嘅味道都特別濃厚，加上吞拿魚蓉，以及再配埋丼飯一齊食，三位一體咁樣，味道簡直一級棒！另外加$20就可以有埋茶碗蒸，雜菜沙律，同埋麵豉湯。個茶碗蒸嘅蛋味都非常濃厚而且啲蛋非常嫩滑，在配合埋少少菇類等材料，入口感覺簡直一流。三文魚腩（3切）呢一度嘅三文魚腩非常美味，份量上佢已經係厚切，肉質非常之肥美，而且唔會話過份油膩，整體上個口感非常好！海膽軍艦（兩貫）海膽軍艦嘅海膽份量比起三色海膽當嘅份量更加要多，而且味道一樣鮮味濃厚。正因為覺得三色海膽丼內嘅海膽份量唔夠食，所以再點多個海膽軍艦，咁樣份量啱啱好，重提一次，呢度嘅海膽真係好好食！鹽燒牛舌串（一本）呢一度嘅牛舌串我覺得一定要點黎食，牛舌不但只係厚切串燒，而且肉質同埋整體配味都非常之好。牛舌有咬口，但一啲都唔韌！最後重送雪糕啊😍日本排核污水之後，餐廳重標示左唔用邊度既海產，真係顧客食得安心又放心！