醉忘魚屋 (Closed)

平時行過都知銅鑼灣登龍街好多野食，睇OpenRice先至知道原來永光中心樓上仲有咁多餐廳，今日就首先試一試呢間醉忘魚屋。餐廳裝修係簡約日本風，座位闊落，我地被店員安排坐係卡位梳化位置，非常舒適。吞雲吐霧呢一款前菜嘅名夠得意，佢嘅實物都一樣咁得意。一上碟，店員慢慢打開蓋，啲煙飄晒出黎，煙霧離漫打卡效果一流。店員介紹呢款前菜係炸酥脆紫菜同埋煙燻芝士，將兩者配埋一齊食，估唔到芝士既鹹香同脆卜卜既紫菜味道係咁夾。秋刀魚刺身秋刀魚就成日食，但刺身version都係第一次試。一上碟就覺得個擺碟好有心思，廚師將一片片嘅秋刀魚刺身砌成樹葉嘅形狀，魚肉呈粉紅色，魚皮亮銀，色澤好靚。刺身厚切，魚油脂味略淡，但食落好夠鮮味。日落呢款其實係薯仔沙律，上面有微甜既脆蝦乾，薯蓉裏面仲收埋左隻溏心蛋黃，將蛋黃撈埋薯蓉一齊食，味道更昇華。值得一讚既係連呢啲看似普通既菜式，都可以睇得出師傅放左唔少心機係入面。松葉蟹肉配拖羅蓉將松葉蟹肉同拖蘿蓉包埋紫菜一齊食，同時食到蟹肉既鮮味同埋拖蘿蓉既油脂香，拖蘿蓉入面仲加入左蟹籽，增添口感。串燒我地仲另外叫左幾款串燒，包括紫蘇梅子雞胸卷、極上鹽燒牛舌、荔枝煙肉卷、白燒鰻魚同埋冬菇。