Zappy (Closed)

Zappy位於銅鑼灣食肆林立嘅百樂中心入面，晚飯時間好多人排隊等𨋢，稍為有啲唔方面。😔呢間餐廳一直係我個bucket list入面，朋友提議到銅鑼灣晚膳，即刻係openrice 度訂枱，非常方便。餐廳偏細，10張枱唔夠，座位有啲逼，同隔離枱距離比較近😅但佢啲野食真係超高質👍🏻😋，係高質到我同朋友都唔介意座位問題，打算下次約更多朋友黎，可以試多幾款。同朋友兩個人，先叫左個泰式冬蔭貝殼鍋配麵包，呢個大推，好好味🤤。入面有青口同蜆，個汁非常出色，除咗點跟套麵包外，我同朋友都忍唔住用個汁黎點埋薯條，完全唔想浪費。薯條方面嗌左個黑松露薯條，熱辣辣同非常之大分，好食，下次會想試咸蛋黃薯條。意粉方面嗌左個XO醬大蝦意大利麵，貪佢夠特別，呢個意粉都冇令人失望，蝦夠彈牙，意粉掛汁，全部野都好夾。甜品就試左傳統蘋果撻，冇咩特別，不過如果配埋雪糕應該會正啲。Zappy 的鹹點令人非常驚豔，相較之下甜品就有少少失色，但整體黎講非常值得大家去試下。