Ground Zero (Closed)

觀塘高質樓上黃cafe Groundcafe 今次由觀塘街坊帶路，帶我黎呢間觀塘cafe，我地嗰日兩點到已有勁多人排！ 最尾等左廿分鐘左右終於入得！我地一人一個lunch set 📍澳洲和牛漢堡配蕃薯條漢堡嘅包好軟熟，兩邊都有用牛油香烤，所以帶陣陣牛油香。和牛漢堡嘅肉汁滿滿，牛味濃郁，仲有爽脆嘅生菜，清甜多汁嘅番茄，仲有一隻太陽蛋添，用料非常豐富。而配菜嘅蕃薯條即叫即炸，熱辣辣脆卜卜。📍蒜油，辣椒虎蝦闊條麵：蒜油嘅香氣撲鼻，辣椒夠哂惹味，加埋爽口彈牙嘅虎蝦，用嚟配軟硬度適中嘅闊條麵就最夾。📍tonic espresso：espresso同tonic做到漸層效果，用嚟影相都幾靚。📍Matcha Latte：呢杯可算係熱門飲品，我見每檯都總會有一杯，抹茶茶香甚濃，入口幼滑。📍意大利芝士蛋糕：佢哋嘅蛋糕浸泡左香濃咖啡香嘅咖啡酒，再加埋質感軟滑輕盈嘅Mascarpone芝士。而表面鋪滿濃郁嘅可可粉。食落口感輕盈，完全唔覺膩。📍法式焦糖燉蛋：燉蛋嘅火候控制得宜，嫩滑非常，甜度適中，蛋香味濃郁，加埋表層香脆可口嘅焦糖，口感變得更加豐富。