Video
Read full review
2020-11-26
151 views
今日同朋友去尖沙咀帝國中心嘅韓真食韓燒，本來以為尖東呢邊無中心咁旺，人流應該唔會好多，但入去見到差唔多滿座，仲聽到有幾張檯係用韓文交談，睇來連韓國人都會嚟呢度食。職員服務好迅速，好快拎咗餐牌同幾碟小菜上枱。呢度小菜有好多款，泡菜、酸蘿蔔、韓式炒翠玉瓜、魚餅、薯仔沙律等等，甜酸苦辣、濃烈清淡口味都有！我地兩個人叫左一個$580嘅二人 Pork & Beef Set。套餐除咗有燒肉，亦都有牛油果沙律同牛胸肉大醬湯配白飯，而且叫呢度任何套餐都會送埋一個蔬菜蛋餅。牛油果沙律新鮮，除左牛油果仲有好甜嘅提子。牛胸肉大醬湯煲得好入味，加入豆腐、牛肉與洋蔥，味道好濃，撈飯食就最岩喇。特級牛肋骨嘅肉肉質唔韌易咬，每咬一啖肉汁隨隨滲出，好juicy！值得一讃係呢度嘅店員都好主動，會過來問要唔要幫手燒，燒好後又會幫你剪一塊塊，當見到d肉就來燒燶，又會幫你擺生菜落個爐度隔起啲肉。豬肩肉烤熟後好軟腍，而五花肉嘅油脂分布好平均，肥而不太膩，每啖都充滿油香，十分正！飲品係另外點，分別叫左杯係檸檬同奇異果，好fresh又冰涼，好適合食烤肉嘅時候飲。而套餐會附送埋雪糕，今日嘅雪糕係甜甜嘅雲呢拿味。呢個套餐十分豐富，肉嘅
職員服務好迅速，好快拎咗餐牌同幾碟小菜上枱。
呢度小菜有好多款，泡菜、酸蘿蔔、韓式炒翠玉瓜、魚餅、薯仔沙律等等，甜酸苦辣、濃烈清淡口味都有！
我地兩個人叫左一個$580嘅二人 Pork & Beef Set。套餐除咗有燒肉，亦都有牛油果沙律同牛胸肉大醬湯配白飯，而且叫呢度任何套餐都會送埋一個蔬菜蛋餅。
牛油果沙律新鮮，除左牛油果仲有好甜嘅提子。
牛胸肉大醬湯煲得好入味，加入豆腐、牛肉與洋蔥，味道好濃，撈飯食就最岩喇。
特級牛肋骨嘅肉肉質唔韌易咬，每咬一啖肉汁隨隨滲出，好juicy！值得一讃係呢度嘅店員都好主動，會過來問要唔要幫手燒，燒好後又會幫你剪一塊塊，當見到d肉就來燒燶，又會幫你擺生菜落個爐度隔起啲肉。豬肩肉烤熟後好軟腍，而五花肉嘅油脂分布好平均，肥而不太膩，每啖都充滿油香，十分正！
飲品係另外點，分別叫左杯係檸檬同奇異果，好fresh又冰涼，好適合食烤肉嘅時候飲。而套餐會附送埋雪糕，今日嘅雪糕係甜甜嘅雲呢拿味。
呢個套餐十分豐富，肉嘅質素都好高，份量完全足夠兩個人食，下次來想試下其他套餐。
Post
